பிரென்ச் ஓபன் இறுதிப்போட்டிக்கு இலகுவாக முன்னேறினார் நடால்

பிரென்ச் ஓபன் டென்னிஸ் தொடரின் இறுதிப்போட்டிக்கு ஸ்பெயினின் முதற்தர டென்னிஸ் வீரர் ரபேல் நடால் இலகுவாக தகுதிபெற்றுள்ளார்.

ரபேல் நேற்று நடைபெற்ற அரையிறுதிப்போட்டியில், ஆர்ஜன்டீனாவின் ஜுவான் மார்டின் டெல் பொட்ரோவை எதிர்கொண்டு விளையாடினார்.

போட்டியின் ஆரம்பம் முதல் சிறப்பாக ஆடிய நடால், 3-0 என்ற நேர் செட் கணக்கில் இலகுவாக வெற்றிபெற்றார்.

போட்டியின் மூன்று செட்களிலும் தனது சிறப்பான ஆட்டத்தை வெளிப்படுத்திய நடால், 6-4, 6-1 மற்றும் 6-2 என இலகுவான வெற்றியை பெற்றுக்கொண்டார்.

நடால் இறுதிப்போட்டியில் ஆஸ்திரியாவின் டொமினிக் தீம்’ஐ எதிர்கொள்ளவுள்ளார்.