மலேசியப் பிரதமருக்கு நோபல் பரிசா? காரணம் என்ன..?

28/05/2018

843

{ Nobel Prize Malaysian Prime Minister }

மலேசியப் பிரதமர் மகாதீர் முகம்மதுக்கு அமைதிக்கான நோபல் பரிசு வழங்கப்படவேண்டும் எனக் கோரும் விண்ணப்பத்தில் பல்லாயிரக் கணக்கானோர் கையெழுத்திட்டுள்ளனர்.

change.org எனும் இணையத் தளத்தில், அலெக்ஸான்றியா அபிஷேகம் என்பவர் அந்த விண்ணப்பத்தை முன்வைத்த ஒரே நாளில் 51ஆயிரத்துக்கும் அதிகமானோர் கையொப்பமிட்டடுள்ளனர்.

டாக்டர் மகாதீர் மீண்டும் அரசியலுக்கு வருவதற்கு கொண்டிருந்த உறுதியை, அங்கீகரிக்கும் வண்ணம் அவருக்கு அந்தப் பரிசை வழங்கவேண்டும் என்று திருவாட்டி அபிஷேகம் தமது விண்ணப்பத்தில் குறிப்பிட்டுள்ளார்.

மலேசியா, வெளிப்படைத்தன்மை, ஜனநாயகம், சட்டத்தின் முறையான செயல்பாடு ஆகியவற்றைக் கொண்டிருக்கவேண்டும் என்பதில் டாக்டர் மகாதீர் கவனம் செலுத்தியதாக அவர் கூறியுள்ளார்.

தமது கடந்தகாலத் தவறுகளை ஒப்புக்கொண்டு, அதற்காக மன்னிப்புக் கேட்டதன் மூலம் மிகச் சிறந்த மனிதர், பின்பற்றத் தகுந்த தலைவர் என்ற நிலையை டாக்டர் மகாதீர் அடைந்ததாகவும் விண்ணப்பத்தில் குறிப்பிடப்பட்டுள்ளது.

மலேசியாவின் நெல்சன் மண்டேலா என்று அவருக்குப் புகழாரம் சூட்டிய அந்த விண்ணப்பம், டாக்டர் மகாதீர் சுமுகமான முறையில் ஆட்சி மாற்றம் இடம்பெறுவதற்கு வகைசெய்ததாகவும் குறிப்பிடப்பட்டுள்ளது.

இருப்பினும், இவ்வாண்டின் நோபல் பரிசுக்கு விண்ணப்பிப்பதற்கான காலக்கெடு, கடந்த பிப்ரவரி முதல் திகதியன்று முடிவுற்றதால், திரு. மகாதீர் இந்த ஆண்டு பரிசுக்குத் தகுதிபெறுவோர் பட்டியலில் இடம்பெறமாட்டார் என்பது குறிப்பிடத்தக்கது.