போதைப்பொருட்களை பயன்படுத்திய 61 பேர் கைது – 8 பெண்கள் உள்ளடக்கம்

0
197
Veyangoda police arrests 61 young partygoers using drugs

(Veyangoda police arrests 61 young partygoers using drugs)

கேளிக்கை விருந்து நிகழ்வொன்றில் சட்டவிரோதமாக போதைப்பொருட்களை பயன்படுத்திய குற்றச்சாட்டில் 61 பேர் கைது செய்யப்பட்டுள்ளனர்.

வெயங்கொடை பகுதியில் இடம்பெற்ற இந்த சம்பவத்தில் 53 இளைஞர்களும் 8 பெண்களும் பொலிஸாரால் கைது செய்யப்பட்டதாக பொலிஸ் ஊடகப் பேச்சாளர் அலுவலகம் தெரிவித்துள்ளது.

மதுபோதையில் சென்ற மோட்டார் வாகன சாரதியொருவர் விபத்தொன்றில் சிக்கிய நிலையில் நேற்றிரவு (26) வெயங்கொடை நகரில் வைத்து கைது செய்யப்பட்டார்.

அவரிடம் மேற்கொள்ளப்பட்ட விசாரணைகளின் அடிப்படையில் விருந்தகம் ஒன்றில் வைத்து போதைப் பொருட்களை பயன்படுத்திய ஏனைய சகாக்களை கைது செய்யக் கூடியதாக இருந்ததாக பொலிஸார் தெரிவித்தனர்.

நண்பர் ஒருவரின் பிறந்த நாள் நிகழ்வில் கலந்து கொண்ட குறித்த இளைஞர்களே கைதானதாக விசாரணைகளில் இருந்து தெரியவந்துள்ளது.

வெயங்கொடை பொலிஸார் இது தொடர்பில் மேலதிக விசாரணைகளை முன்னெடுத்து வருகின்றனர்.

(Veyangoda police arrests 61 young partygoers using drugs)

More Tamil News

Tamil News Group websites :