மீண்டும் சிவகார்த்திகேயனுடன் டூயட் பாடவுள்ள நயன் : பூஜையுடன் ஆரம்பம்..!

03/05/2018

971

(Nayanthara play Sivakarthikeyan next movie)

முன்னணி நடிகர்களின் பட்டியலில் இணைந்த சிவகார்த்திகேயன் அடுத்தடுத்து பல கூட்டணிகளுடன் கைகோர்த்து வருகின்றார்.

இந்நிலையில், அவர் நடிக்கவிருக்கும் அடுத்த படத்தின் பூஜை நேற்று இடம்பெற்றுள்ளது.

இது தொடர்பில் மேலும் தெரியவருவதாவது.. :-

“ஸ்டுடியோ க்ரீன்” ஞானவேல் ராஜா தயாரிப்பில் ராஜேஷ் இயக்கத்தில் நடிக்க ஒப்பந்தமானார் சிவகார்த்திகேயன்.

இப் படத்தில் நயன்தாராவே அவருக்கு ஜோடியாக நடிக்கவுள்ளதாக தகவல்கள் வெளியாகியுள்ளது. எனினும் உத்தியோக பூர்வமாக அறிவிக்கப்படவில்லை.

மேலும், இந்த படத்தின் ஒளிபரப்பும் உரிமையை சன் டிவி ஏற்கனவே வாங்கிவிட்டது. மேலும் இந்த படம் தொடர்பில் முழுவிபரங்கள் விரைவில் வெளியாகும் எனவும் அறிவிக்கப்பட்டுள்ளது.

ஏற்கனவே, பொன்ராம் இயக்கத்தில் உருவாகும் “சீம ராஜா” படத்தில் சிவகார்த்திகேயன் நடித்து வருகின்றார். இதில் சிவகார்த்திகேயன் ஜோடியாக சமந்தா நடிக்க, மேலும் இப் படத்தில், சிம்ரன், நெப்போலியன், சூரி ஆகியோர் முக்கிய வேடங்களில் நடித்துள்ளனர்.

ஆர்.டி.ராஜா, 24 ஏஎம் ஸ்டுடியோஸ் சார்பில் இந்தப் படத்தைத் தயாரிக்க, டி.இமான் இசையமைக்கின்றார் என்பதும் குறிப்பிடத்தக்கது.