Malaysia

ஊடக சுதந்திரத்துக்கு முன்னுரிமை ..! கோபிந்த் சிங்

22/05/2018

712

{ Priority Media Freedom Gobind Singh }

மலேசியா: ஊடக மன்றத்தின் உருவாக்கம், தற்போதைய சட்டத்தின் ஆய்வு மற்றும் ஊடக சுதந்திரத்தின் முன்னுரிமை ஆகியவைத் தொலைத் தொடர்பு மற்றும் பல்லூடகத் துறை அமைச்சின் முக்கிய குறிக்கோளாக அமையும் என அதன் புதிய அமைச்சர் கோபிந்த் சிங் தியோ தெரிவித்துள்ளார்.

எந்தவித பயமும் பாகுபாடும் இன்றி ஊடகங்கள் செயல்பட ஒரு செயல்முறையை உருவாக்க பக்காத்தான் ஹாராப்பான் அரசாங்கம் முழுமையாக ஈடுபட்டுள்ளது என அவர் கூறியுள்ளார்.

முன்னேறிச் செல்ல தங்களுக்கு உண்மையான கருத்துகளும் தேவைப்படும். அதே வேளையில் விமர்சனங்களும் வரவேற்கப்படுகின்றன. இதைப் பற்றி பேச நிருபர்கள் தன்னை வந்து சந்திக்கலாம் என கோபிந்த் சிங் இன்று நடைபெற்ற செய்தியாளர் கூட்டத்தில் தெரிவித்துள்ளார்.

ஊடக மன்றத்தின் உருவாக்கம் குறித்து முதலில் பிரதமர் துன் டாக்டர் மகாதீர் முகமட்டிடம் கலந்து ஆலோசனை செய்யப்படும் என அவர் கூறியுள்ளார்.