Malaysia

மலேசியா நாடு கடன் தொல்லையால் அவதியுறும் நிலையில் பாஸ் கட்சி தோல்வி குறித்து கவலை வேண்டாம்!

28/05/2018

726

{ failure PAS party Malaysian nation }

மலேசியா நாடு மிகப் பெரிய கடன் சுமையில் சிக்கிக் கொண்டிருக்கும் வேளையில் 14ஆவது பொதுத்தேர்தலில் பாஸ் கட்சி தோல்வி அடைந்தது குறித்து கவலைப்படத் தேவையில்லை என்று அதன் உதவித் தலைவர் டத்தோ முகம்மட் அமார் நிக் தெரிவித்துள்ளார்.

இவ்வளவு பெரிய கடனை, நாங்கள் அடைக்க முடியாது. எனவே முதலில் மற்றவர்கள் இந்தக் கடனை அடைக்கட்டும். அதன் பின்னர் அடுத்த 5 ஆண்டுகளில் கூட்டரசு ஆட்சியை நாங்கள் கைப்பற்றுவோம் என்று கூறியுள்ளார்.

கிளாந்தான் மாநிலத்தைப் பொறுத்தவரை பெரும்பாலான மேம்பாட்டை தேசிய முன்னணி அரசாங்கம் கொண்டு வந்தது. ஆனால் 1990 ஆம் ஆண்டில் பாஸ் கட்சி மீண்டும் மாநில ஆட்சியைக் கைப்பற்றியது.

அதற்கு முன்பு 1978 ஆம் ஆண்டில் நாங்கள் கிளாந்தானில் தோல்வி கண்டு ஆட்சியை இழந்தோம். ஆனால், 12 ஆண்டுகளுக்குப் பின்னர் அதாவது தேசிய முன்னணியின் ஆட்சியில் எல்லா மேம்பாடுகளும் அவர்களால் மேற்கொள்ளப்பட்ட பின்னர், நாங்கள் மீண்டும் ஆட்சியைக் கைப்பற்றினோம் என்று கிளந்தான் துணைமந்திரி புசாருமான முகம்மட் அமார் நிக் கூறியுள்ளார்.

அதே போன்று 1 டிரில்லியன்ரிங்கிட் நாட்டுக் கடனை, இப்போது ஆட்சியில் உள்ளவர்கள் அடைத்த பின்னர், 1எம்டிபி விவகாரத்திற்கு முற்றுப்புள்ளி வைத்த பின்னர், புத்ராஜெயா ஆட்சியை நாங்கள் கைப்பற்றுவோம் என்று அவர் கூறியுள்ளார்.