(CDs were filed court)
இரட்டை இலை சின்னம் பெறுவதற்கு இலஞ்சம் கொடுக்க முயன்ற வழக்கில் 15 ஓடியோ சி.டி.க்களை டில்லி பெலிஸார் நீதிமன்றத்தில் தாக்கல் செய்துள்ளனர்.
முன்னாள் முதல்வர் ஜெயலலிதா மறைவுக்கு பிறகு அ.தி.மு.க. கட்சியின் சின்னமான இரட்டை இலை சின்னத்துக்கு இரு அணியினர் உரிமை கோரியதில் சின்னம், கட்சியின் பெயரை தேர்தல் ஆணையம் முடக்கியது.
ஆவணங்கள் மற்றும் பத்திரங்கள் அடிப்படையில் முதல்வர் எடப்பாடி பழனிச்சாமி- ஓ.பன்னீர்செல்வம் அணிக்கு இரட்டை இலை சின்னத்தை தேர்தல் ஆணையம் ஒதுக்கியது.
இதற்கிடையே இரட்டை இலை சின்னம் பெற தினகரன் இடைத்தரகர் சுகேஷ் சந்திரசேகர் மூலம் தேர்தல் ஆணையத்துக்கு இலஞ்சம் கொடுக்க முயன்றதாக டில்லி பொலிஸார் வழக்கு பதிவு செய்துள்ளனர்.
இது தொடர்பாக தினகரன் அவரது நண்பர் மல்லிகார் ஜூனா, சுகேஷ் சந்திர சேகர், நரேஷ், லலித்குமார் ஆகியோர் கைது செய்யப்பட்டு டில்லி திஹார் சிறையில் அடைக்கப்பட்டனர். இதில் சுகேஷ்சந்திரசேகர் தவிர மற்றவர்கள் பிணையில் விடுதலையானார்கள்.
இது தொடர்பான வழக்கு டில்லி பாட்டியாலா சிறப்பு கோர்ட்டில் நடந்து வருகிறது. விசாரணையின் போது வழக்கின் ஆதாரங்களை சி.டி.யாக நீதிமன்றத்தில் தாக்கல் செய்ய வேண்டும் என்று டில்லி பொலிஸாருக்கு நீதிபதி அரவிந்த்குமார் உத்தரவிட்டிருந்தார்.
இன்று இந்த வழக்கு விசாரணைக்கு எடுத்துக் கொள்ளப்பட்டபோது, தினகரன்- சுகேஷ் பேசியதாக கூறப்படும் 15 ஓடியோ சி.டி.க்களை பொலிஸார் நீதிமன்றத்தில் தாக்கல் செய்தனர்.
இந்த வழக்கு எதிர்வரும் 15ஆம் திகதிக்கு ஒத்தி வைக்கப்பட்டது. மேலும் சுகேசும் நீதிமன்றத்தில் ஆஜர்படுத்தப்பட்டார். அவரது காவலையும் 15ஆம் திகதி வரை நீட்டிக்கப்பட்டது.
(CDs were filed court)
- மிருக இனம் கொண்டவர்கள் மஹிந்தவும் நாமலும் ; சரத் பொன்சேகா பதிலடி
- மூன்று சிறுமிகளை சீரழித்த குடும்பத்தினர்; நுவரெலியாவில் அதிர்ச்சி
- கட்டுநாயக்கவில் புறப்படவிருந்த விமானங்கள் தாமதம்
- விபத்தில் உயிரிழந்தவர் மூன்று கோடியை கடனாகப் பெற்ற ஆச்சரியம்
- வசமாக மாட்டிய திருடன்; ஹட்டனில் சம்பவம்
- குளவிக்கூட்டினால் மாணவர்களுக்கு ஏற்பட்ட விபரீதம்
- மாங்குளத்தில் சூறாவளி ; 12 வீடுகள் சேதம்
- பால்மா தட்டுப்பாடு ஏற்பட இடமளிக்கப் போவதில்லை
- மனைவி கள்ளக்காதல்; கணவனுக்கு கிடைத்த மிகப்பெரிய பரிசு
- பெரிய வெங்காயம், உருளைக்கிழங்கின் வரி அதிகரிப்பு