பாலியல் புகாரில் சிக்கிய போப் ஆண்டவரின் உதவியாளர் சிக்கலில்!

02/05/2018

650

(Pope Francis Assistant Australia Court Case Proceeding)

போப் ஆண்டவர் பிரான்சிஸ்சின் மூத்த உதவியாளர்களில் ஒருவரான 3-வது உயர்ந்த அதிகார மையத்தில் உள்ள 76 வயதான கார்டினல் பெல் என்பவர் மீது பலர் பல்வேறு பாலியல் குற்றச்சாட்டுகளை சுமத்தினர்.

இவர் அவுஸ்திரேலியாவில் பணியாற்றிய வேளை , சுமத்தப்பட்ட பாலியல் முறைகேடுகள் பற்றி விசாரணை செய்ய இவரை விடுமுறையில் செல்வதற்கு அனுமதித்த போப் ஆண்டவர் விசாரணைகளுக்கு ஒத்துழைப்பு வழங்கினார். அதன்பேரில் அவர் மீண்டும் ஆஸ்திரேலியா சென்றார்.

அவர் மீதான வழக்கு, மெல்போர்ன் மாஜிஸ்திரேட்டு கோர்ட்டில் விசாரணைக்கு வந்தது. அவர் பலத்த போலீஸ் பாதுகாப்புடன் கோர்ட்டில் ஆஜர் ஆனார்.

அவர் மீது மாஜிஸ்திரேட்டு பெலின்டா வாலிங்டன் பல்வேறு குற்றச்சாட்டுகளை பதிவு செய்தார். அப்போது கார்டினல் பெல் “நான் குற்றவாளி இல்லை” என்று கூறி திட்டவட்டமாக மறுத்தார்.

இந்த வழக்கில் கார்டினல் பெல் மீதான சில குற்றச்சாட்டுகளுக்கு ஆதாரம் இருக்கிறது, மற்றவற்றுக்கு ஆதாரம் இல்லை, எனினும் அவர் விசாரணையை எதிர்கொண்டாக வேண்டும் என்று மாஜிஸ்திரேட்டு பெலின்டா வாலிங்டன் குறிப்பிட்டார்.

குறித்த வழக்கு விசாரணையில் முக்கிய ஆதாரங்கள் வெளிப்படுத்தப்படும் போது அது வத்திகான் தலைமை பீடத்துக்கு பாரிய சவால்களை தோற்றுவிக்கும் என எதிர்வு கூறப்பட்டுள்ளது.