மே.தீவுகளில் இருந்து திடீரென இலங்கை வரும் முன்னணி வீரர்கள்!!!

இலங்கை மற்றும் மே.தீவுகள் அணிகளுக்கிடையிலான இரண்டாவது டெஸ்ட் போட்டி நாளை நடைபெறவுள்ள நிலையில், எஞ்சலோ மெத்தியூஸ் மற்றும் லஹிரு கமகே ஆகியோர் நாடு திரும்பியுள்ளனர்.

எஞ்சலோ மெத்தியூஸ் தனிப்பட்ட காரணங்களுக்காக நாடுதிரும்பியுள்ளார். மெத்தியூஸின் மனைவி இரண்டாவது குழந்தையை பிரசிவிக்கவுள்ள காரணத்தால் அவர் நாடு திரும்பியுள்ளதாக கிரிக்கெட் சபையின் தகவல்கள் தெரிவிக்கின்றன.

அவருடன் வேகப்பந்து வீச்சாளர் லஹிரு கமகே விரலில் ஏற்பட்டுள்ள உபாதை காரணமாக நாடு திரும்பியுள்ளார். முதலாவது டெஸ்ட் போட்டியில் துடுப்பெடுத்தாடும் போது. லஹிரு கமகேவின் விரலில் காயம் ஏற்பட்டுள்ளது.

இவர்கள் இருவரும் இன்று நாட்டுக்கு வருகை தரவுள்ள நிலையில், இருவருக்கும் பதிலாக தனுஷ்க குணதிலக மற்றும் தசுன் சானக ஆகியோர் மே.தீவுகளுக்கு செல்லவுள்ளனர்.