இதுவரை வெளிவந்த ஏஐ காணொளிகளில் சிறந்த காணொளி இதுதான் என எலான் மஸ்க் தனது எக்ஸ் பக்கத்தில் பதிவிட்டுள்ள காணொளி இணையத்தைக் கலக்கி வருகிறது.
அக்காணொளியில் பேஷன் ஷோவில் உலக அரசியல் தலைவர்கள் மற்றும் பிரபலங்கள் ஒவ்வொருவராக சிரிப்பூட்டும் வித்தியாசமான கெட்டப்பில் நடந்து வருகின்றனர்.
இணையத்தில் வைரல்
கைதி உடையில் டொனால்டு டிரம்ப்பும், சக்கர நாற்காலியில் ஜோ பைடனும், ஒபாமா, மார்க் ஸுகர்பெர்க், நரேந்திர மோடி, கமலா ஹார்ஸ், ஸேனா அதிபர் ஜி ஜிங்பிங், வட கொரிய அதிபர் கிம் ஜாங் உன், ரஷிய அதிபர் புதின், ஐரோப்பிய அரசியல் தலைவர்கள், போப் ஆண்டவர் என அனைவரும் வரிசையாக நடந்து வருகின்றனர்.
இறுதியாக சமீபத்தில் நடந்த மைக்ரோசாப் குளறுபடியை கிண்டலடிக்கும் வகையில் கையில் டெத் ஆப் புளூ ஸ்க்ரீன் கணினியுடன் மைக்ரோசாப் நிறுவனர் பில் கேட்ஸ் நடந்து வருவதும் இடம்பெற்றுள்ளது.
அதேவேளை எலான் மஸ்க்கும் இக்காணொளியில் இடம்பெற்றுள்ளார். ஏஐ தொழிநுட்பத்தைக் கொண்டு உருவாக்கப்பட்ட குறித்த காணொளி தற்போது இணையத்தில் பேசுபொருளாக மாறி வருகிறது.
