இலங்கையின் சுற்றாடல் பாதுகாப்பை உறுதிபடுத்தும் நோக்கில் மத்திய சுற்றாடல் அதிகார சபையினால் ஏற்பாடு செய்யப்பட்ட “ஜனாதிபதி சுற்றாடல் விருதுகள் – 2024” விருது வழங்கும் விழா நாளை (28) நடைபெறவுள்ளது.
இந்நிகழ்வு ஜனாதிபதி ரணில் விக்கிரமசிங்க தலைமையில் நாளை காலை 10.00 மணிக்கு பண்டாரநாயக்க ஞாபகார்த்த சர்வதேச மாநாட்டு மண்டபத்தில் நடைபெறவுள்ளது.
இந்த ஆண்டு ஜனாதிபதியின் சுற்றுச்சூழல் விருதுகளுக்காக 901 விண்ணப்பங்கள் பெறப்பட்டுள்ளன. அதில் தங்கம், வெள்ளி, வெண்கலம், தகுதி என 124 ஜனாதிபதி விருதுகள் வழங்கப்படவுள்ளன.
சுற்றாடல் இராஜாங்க அமைச்சர் ஜானக வக்கம்புர, வர்த்தக மற்றும் சுற்றாடல் இராஜாங்க அமைச்சர் எஸ். வியாளேந்திரன், சுற்றாடல் அமைச்சின் செயலாளர் பிரபாத் சந்திரகீர்த்தி, மத்திய சுற்றாடல் அதிகார சபையின் தலைவர் வேணுர பெர்னாண்டோ, மத்திய சுற்றாடல் அதிகார சபையின் பணிப்பாளர் நாயகம் பி. பி. ஹேமந்த ஜயசிங்க, விருது பெற்றவர்கள் மற்றும் பல முக்கிய விருந்தினர்கள் இந்நிகழ்வில் பங்கேற்க உள்ளனர்.
இதில் சீனா, எகிப்து, இந்தியா, அமெரிக்கா, பாகிஸ்தான், வங்கதேசம், இங்கிலாந்து, கனடா, ஈரான் ஆகிய நாடுகளின் தூதர்களும் பங்கேற்க உள்ளதாக கூறப்படுகிறது.