ஐக்கிய நாடுகளின் சிறுவர் நிதியத்தின் இந்திய தேசிய தூதுவராக போலிவுட் நடிகை கரீனா கபூர் நியமிக்கப்பட்டுள்ளார். அவர் முன்னதாக யுனிசெஃப் (UNICEF) இந்தியாவிற்காக பிரபல வழக்கறிஞராக பணியாற்றினார்.
“குழந்தைகளின் உரிமைகள், இந்த உலகின் எதிர்கால தலைமுறை போன்ற முக்கியமான விடயங்கள் உள்ளன. யுனிசெஃப் உடனான எனது தொடர்பை இந்தியாவின் தேசிய தூதுவராக தொடர்வதில் பெருமை அடைகிறேன்”
“பாதிக்கப்படக்கூடிய குழந்தைகள் மற்றும் அவர்களின் உரிமைகளுக்காக, குறிப்பாக குழந்தைப் பருவம், கல்வி மற்றும் பாலின சமத்துவம் ஆகியவற்றிற்காக எனது குரலையும் செல்வாக்கையும் பயன்படுத்த முயற்சிப்பேன்.
ஒவ்வொரு குழந்தைக்கும் குழந்தைப் பருவம், நியாயமான வாய்ப்பு, எதிர்காலம் தேவை,” என கரீனா கபூர் தெரிவித்துள்ளார். இதேவேளை அவரை தேசிய தூதுவராக வரவேற்பதில் மகிழ்ச்சியென யுனிசெஃப் இந்தியாவின் பிரதிநிதி சிந்தியா மெக்காஃப்ரி தெரிவித்தார்.
“குழந்தை உரிமைகளுக்காக பல தேசிய மற்றும் உலகளாவிய பிரச்சாரங்களுக்கு அவர் தனது ஆதரவின் மூலம் ஆற்றலையும் தாக்கத்தையும் கொண்டு வந்துள்ளார். அவருடன் இணைந்து பணியாற்ற நாங்கள் காத்திருக்கிறோம்” என அவர் மேலும் தெரிவித்துள்ளார்.