ஏர் இந்தியாவின் வணிக வகுப்பில் பயணம் செய்த பயணி ஒருவர் போதையில் சக பெண் பயணி மீது சிறுநீர் கழித்த சம்பவம் பெரும் அதிர்ச்சியை ஏற்படுத்தியுள்ளது.
இந்த சம்பவம் ஏர் இந்தியா விமானம் ஜேஎப்கே அமெரிக்காவில் இருந்து டெல்லிக்கு வந்து கொண்டிருந்த போது இந்த சம்பவம் நடந்ததாக பொலிசில் புகார் அளிக்கப்பட்டு உள்ளது.
உணவுக்குப் பிறகு கேபின் விளக்குகள் அணைக்கப்பட்டபோது அந்த நபர் சிறுநீர் கழித்ததாக தகவல்கள் தெரிவிக்கின்றன.
நனைந்த பெண் பயணியின் உடமைகள்
இந்நிலையில் பெண் பயணியின் பை, காலணிகள் மற்றும் உடைகள் சிறுநீரில் நனைந்திருந்தன. தனக்கு பைஜாமாக்கள் மற்றும் செருப்புகள் வழங்கப்பட்டதாகவும், தனது இருக்கைக்குத் திரும்பும்படி கேட்டுக் கொள்ளப்பட்டதாகவும் அந்தப் பெண் கூறினார்.
பல முதல் வகுப்பு இருக்கைகள் காலியாக இருந்தபோதிலும், அவர் ஒரு குழு இருக்கையில் பயணிக்க வேண்டியிருந்தது.
அதேசமயம் விமானம் தரையிறங்கிய பிறகு அந்த நபரை சுதந்திரமாக நடமாட விமான குழுவினர் அனுமதித்ததாகவும் பாதிக்கபப்ட்டபெண் கூறியுள்ளார்.
இந்த சம்பவத்தில் விமான நிறுவனம் ஒரு குழுவை அமைத்து, அந்த பயணி இனி எந்த விமானத்திலும் பயணிக்க முடியாத தடைக்கு பரிந்துரைத்தது.
தற்போது, இந்த விவகாரம் அரசு ஆய்வு குழுவிடம் உள்ளதாகவும் குழுவின் முடிவுக்காக காத்திருக்கிறோம் என்று ஏர் இந்தியா அதிகாரி ஒருவர் தெரிவித்தார்.
மேலும் விமான நிறுவனத்தால் அதிகாரப்பூர்வ அறிக்கை வெளியிடப்பட்ட பிறகு, ஏர் இந்தியா என்ற ஹேஷ்டேக் சமூக ஊடகங்களில் வைரலாகி வருகிறது.