சவுதி அரேபியாவின் இளவரசருக்கு அல்கொய்தாவினால் வரவிருக்கும் ஆபத்து!

04/06/2018

673

(Al Qaeda Terrorists Warns Saudi Arabia Prince Salman)

சவுதி அரேபியாவின் பட்டத்து இளவரசரான முகமது பின் சல்மான் அங்கு விதிக்கப்பட்டிருந்த தடைகளை நீக்கி அரேபியாவை புதிய பாதையில் கொண்டு செல்லும் பணிகளை ஆரம்பித்துள்ளார்.

பெண்கள் கார் ஓட்ட அனுமதி அளிப்பது, விளையாட்டு மைதானங்களுக்குள் அனுமதி, திரையரங்குகளுக்கு அனுமதி , பாலியல் துன்புறுத்தல்களுக்கு சிறை , நாட்டில் பொழுதுபோக்கு நகரம் என பல விடயங்களை நடைமுறைப்படுத்தியுள்ளார்.

இந்நிலையில், சவுதி அரேபியாவின் இந்த முடிவுக்கு அல்கொய்தா பயங்கரவாத அமைப்பு கடும் எதிர்ப்பு தெரிவித்துள்ளது.

சவுதி இளவரசர் பெண்களுக்கு தேவையில்லாத சுதந்திரம் கொடுக்கிறார், மேற்கத்திய கலாச்சாரத்தை புகுத்தி இஸ்லாமிய நாட்டை நாசம் செய்கிறார்.

அவர் உடனே தன்னுடைய நடவடிக்கைகளை நிறுத்த வேண்டும். இல்லையென்றால் அவர் மோசமான விளைவுகளை சந்திக்க நேரிடும் என்று சவுதி இளவரசர் பின் சல்மானுக்கு அல்கொய்தா பகிரங்கமாக எச்சரிக்கை விடுத்துள்ளது.