அஜித் – விஜய்யை கலாய்த்து இணையத்தைக் கலக்கும் தமிழ்படம் 2.0 பட டீஸர்..!

01/06/2018

947

(Tamizh Padam 2 Official Teaser Released)

சி.எஸ்.அமுதன் இயக்கத்தில், நடிகர் சிவா நடித்திருக்கும் ”தமிழ்படம் 2.0” படத்தின் டீஸர் தற்போது வெளியாகியுள்ளது.

அதாவது, கடந்த 2010-ம் ஆண்டில் சிவா நடிப்பில் வெளியான படம் ”தமிழ்ப்படம்”. ஸ்பூஃப் ஜானரில் (நய்யாண்டி) வெளிவந்திருந்த இந்தப் படம் தமிழ் திரைப்படங்களில் பின்பற்றும் ஃபார்முலாக்களையும், பல படங்களின் சீன்களையும் கிண்டலடித்ததோடு, பல நடிகர்களையும் நய்யாண்டி செய்திருந்தது.

இப்படத்தை சி.எஸ்.அமுதன் இயக்கியிருந்தார். அதுவரையிலான தமிழ் திரைப்படங்களிலிருந்து சற்று வித்தியாசமாக மேற்கொள்ளப்பட்ட அமுதனின் அந்த முயற்சி வெற்றியைத் தந்தது. சினிமா ரசிகர்களும் படத்தை வெகுவாக ரசித்தனர்.

இதையடுத்து ”தமிழ்ப்படம் 2.0” என்ற பெயரில் ”தமிழ்ப்படம்” இரண்டாம் பாகத்தின் படப்பிடிப்பு கடந்த ஆண்டு முதல் தொடங்கி நடைபெற்று வந்தது.

இப்படத்தில் சிவாவுக்கு ஜோடியாக திஷா பாண்டே நடித்துள்ளார். மற்றொரு கதாநாயகியாக ஐஸ்வர்யா மேனன் தோன்றுகிறார்.

இந்த படத்தின் போஸ்டரில் தமிழ்நாட்டு அரசியலைக் கலாய்த்து வெளியிட்டிருந்தது படக்குழு. துணை முதல்வர் பன்னீர்செல்வம் மெரினாவில் தியானம் செய்தது போன்று சிவா அமர்ந்து தியானம் செய்யும் காட்சி போஸ்டரில் இடம்பெற்றிருந்தது. இதனால் படத்தின் மீதான எதிர்பார்ப்பு அனைவரிடமும் அதிகரிக்கச் செய்திருந்தது.

அத்துடன், இப் படத்தின் படப்பிடிப்புகள் அனைத்தும் முடிவடைந்துள்ள நிலையில், தற்போது டீஸர் வெளியிடப்பட்டுள்ளது. இதில் அஜித், விஜய், விஷால், விஜய் சேதுபதி என ஒருவரையும் விட்டு வைக்காமல் அனைவரையும் கலாய்த்துள்ளார்.