சிவகார்த்திகேயன் தயாரிப்பில் உருவாகும் படத்தின் மோஷன் போஸ்டர் ரிலீஸ்..!

15/05/2018

965

(Kanaa Movie Motion poster released)

நடிகர் சிவகார்த்திகேயன் அதிகார பூர்வமாக தயாரிப்பாளராகி, தனது நண்பர் அருண்ராஜா காமராஜ் இயக்கும் படத்தைத் தயாரித்து வருகிறார்.

இப் படத்தின் டைட்டில் சற்று முன்பு அறிவிக்கப்பட்டு படத்தின் மோஷன் போஸ்டர் வெளியிடப்பட்டுள்ளது.

அதாவது, ”கபாலி” படத்தில் நெருப்புடா பாடலை பாடி பிரபலமானவர் அருண்ராஜா காமராஜ். நடிகர், பாடலாசிரியர், பின்னணி பாடகராக இருந்து வந்த அவர் தற்போது இயக்குனராகவும் உருவெடுத்துள்ளார். இந்தப் படத்தை அவரது நண்பர் சிவகார்த்திகேயன் தயாரித்து வருகிறார்.

இப்படத்தில், தர்ஷன் மற்றும் ஐஸ்வர்யா ராஜேஷ் ஆகியோர் ஜோடி சேர்ந்து நடிக்க, சத்யராஜ், ஐஸ்வர்யா ராஜேஷின் அப்பா வேடத்தில் நடித்துள்ளார்.

மேலும், கிரிக்கெட்டில் சாதிக்கத் துடிக்கும் ஓர் இளம்பெண் எதிர்கொள்ளும் சிரமங்களே இந்தப் படத்தின் ஒன்லைன் கதை.

இப்படத்தின் டைட்டில் இன்று அறிவிக்கப்படும் என முன்பே தெரிவிக்கப்பட்ட நிலையில், டைட்டிலை இன்று தயாரிப்பாளர் சிவகார்த்திகேயன் அதிகாரப்பூர்வமாக வெளியிட்டார். அந்த வகையில், இப்படத்திற்கு ”கனா” என டைட்டில் வைக்கப்பட்டுள்ளது.

அத்துடன், ”கனா” படத்தின் மோஷன் போஸ்டரும் சற்று முன்பு வெளியாகியுள்ளது. படத்தின் கதையைச் சொல்லும் விதமாக இந்த மோஷன் போஸ்டர் உருவாகியுள்ளது. பெரிய கனவைக் காணும் பெண்ணுக்குப் பின்னால் அவளது அப்பா எப்படி பங்காற்றுகிறார் என்பது படத்தின் ஒரு கோணமாக இருக்கக்கூடும்.

மேலும், ”கனா” டைட்டிலுக்கு கீழே ”உள்ளுவதெல்லாம் உயர்வுள்ளல்” என கேப்ஷனும் போடப்பட்டுள்ளது. தினேஷ் கிருஷ்ணன் ஒளிப்பதிவு செய்யும் இப்படத்திற்கு திபு நிணன் தாமஸ் இசையமைக்கிறார் என்பதும் குறிப்பிடத்தக்கது.