(Sweet Pacharisi Payasam Recipe Tamil)
தேவையான பொருட்கள் :
* பச்சரிசி – 1/4 கப்
* வெல்லம் பொடித்தது – 1 கப்
* முந்திரி – 25 கிராம்
* தேங்காய்த்துருவல் – 2 கப்
* ஏலக்காய் பொடி – 1/2 டீஸ்பூன்
* நெய் – 1 டீஸ்பூன்
* தேங்காய் – 1 டேபிள்ஸ்பூன் (சிறிய துண்டுகளாக)
செய்முறை :
* அரிசியை ஒரு மணி நேரம் ஊறவைத்து, கழுவி, தண்ணீரை வடிகட்டி சிறிது நேரம் வைக்கவும்.
* தேங்காயை துருவி வடித்து வைத்த அரிசியுடன் சேர்த்து மிக்ஸியில் போட்டு கொரகொரப்பாக அரைத்து எடுத்து வைத்துக் கொள்ளவும்.
* வெல்லத்தில் 1/2 கப் தண்ணீரைச் சேர்த்து கொதிக்கவிட்டு, வெல்லம் கரைந்ததும் வடிகட்டி எடுத்து வைத்துக் கொள்ளவும்.
* ஒரு அடி கனமான பாத்திரத்தை அடுப்பில் வைத்து, அதில் 4 கப் தண்ணீரை விட்டு நன்றாகக் கொதிக்க விடவும்.
* தண்ணீர் கொதிக்க ஆரம்பிக்கும் பொழுது அடுப்பை சிறு தீயில் வைத்து, அரைத்து வைத்துள்ள அரிசி, தேங்காய் விழுதைச் சேர்த்துக் கிளறி விடவும்.
* சற்று கெட்டியாகும் வரும்வரை, கிளறிக்கொண்டே இருக்கவும்.
* பின்னர் அதில் வடிகட்டி வைத்துள்ள வெல்லத்தை விட்டு, மீண்டும் நன்றாகக் கிளறி விடவும்.
* பாயாசம் நன்றாகக் கொதிக்க ஆரம்பித்ததும், ஏலப்பொடியைத் தூவி இறக்கி வைக்கவும்.
* ஒரு டீஸ்பூன் நெய்யில் பொடியாக நறுக்கிய தேங்காய் மற்றும் முந்திரியை போட்டு சிவக்க வறுத்து பாயாசத்தில் சேர்த்து கலந்து பரிமாறவும்.
* சுவையான சுலபமான பச்சரிசி பாயாசம் தயார்.
<<மேலும் பல சுவையான சமையல் குறிப்புகளுக்கு >>
காரமான சுவையான கொண்டைக்கடலை பிரட்டல்
சலங்கை பணியாரம் செய்து சந்தோஷமாக சாப்பிடுங்க…!