வடகொரியா எப்போதும் பச்சை கொடி தான்! அமெரிக்கா என்ன எதிர்பார்க்கிறது?

25/05/2018

682

(North Korea Announce Ready Peace Talk America)

அடுத்த மாதம் 12-ம் திகதி சிங்கப்பூரில் வடகொரிய அதிபர் கிம் ஜாங் அன் – அமெரிக்க அதிபர் டிரம்ப் ஆகியோரது சந்திப்பு இடம்பெற திட்டமிடப்பட்டு இருந்தது.

அமெரிக்க தரப்பில் விதிக்கப்பட்ட பல நிபந்தனைகள் வடகொரியா தரப்பால் ஏற்றுக்கொள்ளப்பட்டாலும் சில நிபந்தனைகளை வடகொரியா தள்ளுபடி செய்துள்ளது.

இதையடுத்து வெள்ளை மாளிகையில் அதிகாரிகளுடன் ஆலோசனை நடத்திய டிரம்ப் செய்தியாளர்களிடம் கூறுகையில், கிம் உடனான ஜூன் 12 சந்திப்பு வேலைக்கு ஆகாது என்றே தோன்றுகிது என தெரிவித்திருந்தார்.

இந்நிலையில், கிம் ஜாங் அன்னுடனான சந்திப்பை டிரம்ப் ரத்து செய்துள்ள நிலையில், எப்போது வேண்டுமானாலும் அமெரிக்காவுடன் பேச்சுவார்த்தை நடத்த தயார் என வடகொரியா அரசு அறிவித்துள்ளது.

இதுதொடர்பாக, வடகொரிய வெளியுறவு துறை மந்திரி கிம் கை குவான் கூறுகையில், வர்டகொரிய அதிபருடனான சந்திப்பை அமெரிக்க அதிபர் டிரம்ப் ரத்து செய்து அறிவிப்பு வெளியிட்டுள்ளது மிகவும் வருத்தம் அளிக்கிறது.

எப்போது வேண்டுமானாலும், எங்கு வேண்டுமானாலும் அமெரிக்காவுடன் பேச்சுவார்த்தை நடத்தி பிரச்னைகளை தீர்க்க நாங்கள் தயார் என தெரிவித்துள்ளார்.