பாடகி சின்மயி வழக்கு தொடர்ந்தால் சந்திக்க தயார்; வைரமுத்து

பாடகி சின்மயி தன் மீது பாலியல் வழக்கு தொடர்ந்தால் சந்திக்க தயாராக உள்ளதாக கவிஞர் வைரமுத்து கூறியுள்ளார். (vairamuthu reply chinmayi sexual predators)

கவிஞர் வைரமுத்து தனக்கு பாலியல் தொல்லை கொடுத்ததாக பாடகி சின்மயி குற்றஞ்சாட்டியிருந்ததுடன், இதற்கு மறுப்பு தெரிவித்துள்ள வைரமுத்து, தற்போது காணொளி மூலம் சின்மயிக்கு பதிலளித்துள்ளார்.

இதுகுறித்து காணொளி மூலம் வைரமுத்து கூறியதாவது, ‘என் மீது சுமத்தப்பட்டுவரும் குற்றச்சாட்டுக்கள் அனைத்தும் முழுக்க முழுக்க பொய்யானவை.

முற்றிலும் உள்நோக்கம் உடையவை. அவை உண்மையானவையாக இருந்தால் சம்பந்தப்பட்டவர்கள் என் மீது வழக்கு தொடரலாம். சந்திக்க காத்திருக்கிறேன்.

மூத்த வழக்கறிஞர்களோடும் அறிவுலகத்தின் ஆண்டோர்களோடும் கடந்த ஒரு வாரமாக கலந்தாலோசித்து வந்தேன். அசைக்க முடியாத ஆதாரங்களை தொகுத்து திரட்டி வைத்துள்ளேன்.

எதிர்கொள்ள தயாராக இருக்கிறேன். நீங்கள் வழக்கு போடலாம். சந்திக்க காத்திருக்கிறேன். நான் நல்லவரா கெட்டவரா என்பதை இப்போது முடிவு செய்யவேண்டாம். நீதிமன்றம் சொல்லட்டும். நீதிக்கு தலை வணங்குகிறேன்’ என்றும் வைரமுத்து கூறியுள்ளார்.

தமிழ் நியூஸ் இணையத்தளத்தில் அதிகம் வாசிக்கப்பட்டவை :

Tags; vairamuthu reply chinmayi sexual predators