Malaysia

ஆசிரியர் செய்த கொடூரத்தால் 8 வயது மாணவி காதில் தையல்!

28/05/2018

1009

மலேசியா: தேர்வின் போது கழிவறையில் அதிக நேரம் செலவிட்டதற்காக ஆசிரியர் ஒருவர், தனது 8 வயது மாணவியின் காதைக் கிள்ளியதால் அச்சிறுமிக்கு காதில் தையல் போடவேண்டிய நிலை ஏற்பட்டுள்ளது.

இதனை அச்சிறுமியின் அத்தை தனது முகநூலில் காணொளியை பதிவேற்றி, இந்தச் சமபவத்தையும் விவரித்துள்ளார்.

அச்சமயம், அச்சிறுமி வயிற்று வலியால் அவதிப்பட்டு வந்ததாக அவர் குறிப்பிட்டிருந்தார். சிறுமியின் காது 4 செண்டிமீட்டர் அளவு கிழிந்திருந்ததால், அவளின் பெற்றோர் அவளை உடனடியாக தனியார் மருத்துவமனைக்கு அழைத்துச் சென்றுள்ளனர்.

சிறுமியின் காதில் தயல்போட நேர்ந்துள்ளது என்பது குறிப்பிடத்தக்கது.

இது தொடர்பாக வழக்கு பதிவு செய்யப்பட்டது எனவும் தற்போது அந்த வழக்கு விசாரணையில் உள்ளது எனவும் போலீஸார் தெரிவித்துள்ளனர்.