நேட்டோவில் (NATO) 32வது உறுப்பினராக ஸ்வீடன் (Sweden) வியாழக்கிழமை அதிகாரப்பூர்வமாக இணைந்தது.
உக்ரைன் மீதான ரஷ்யாவின் போரை அடுத்து பாதுகாப்பு கவலைகள் அதிகரித்து வருவதால், பல தசாப்தங்களாக கடைபிடித்த நடுநிலைமையை முடிவுக்கு கொண்டு வந்த ஸ்வீடன் நேட்டோவில் இணைந்துள்ளது.
ஸ்வீடனின் சேர்க்கை அமெரிக்காவையும் அதன் நட்பு நாடுகளையும் மிகவும் பாதுகாப்பானதாக ஆக்கியது என்று வெள்ளை மாளிகை கூறியுள்ளது.
கடந்த ஆண்டு நேட்டோவில் பின்லாந்து இணைந்த பிறகு, இப்போது ஸ்வீடன் இணைந்துள்ளது.
கடந்த சில ஆண்டுகளாக, நேட்டோ உறுப்பு நாடுகளான துருக்கி மற்றும் ஹங்கேரியின் ஆட்சேபனை காரணமாக ஸ்வீடனின் உறுப்புரிமை இடைநிறுத்தப்பட்டது.
தீவிரவாதிகளாக கருதும் குர்திஷ் குழுக்களுக்கு ஸ்வீடன் அடைக்கலம் அளித்து வருவதாக துருக்கி கவலை தெரிவித்து வருகிறது.
மறுபுறம், ஹங்கேரியின் ஜனாதிபதி விக்டர் ஓர்பான் இதுவரை ரஷ்ய சார்பு உணர்வைக் காட்டியுள்ளார், மேலும் உக்ரைனை ஆதரிக்கும் கூட்டணியின் விருப்பத்திற்கு எதிராக செயல்பட்டார்.
சில மாதங்கள் இடைவெளியில், துருக்கி மற்றும் ஹங்கேரி ஆகிய ஒரு நாடுகளும் நேட்டோவில் ஸ்வீடனின் நுழைவுக்கு ஒப்புதல் அளித்தன.
இதன்போது உரையாற்றிய ஸ்வீடன் பிரதமர், இது வரலாற்றுச் சிறப்புமிக்க நாள் என்றும் சுதந்திரத்திற்கான வெற்றி என்றும் குறிப்பிட்டார்.