அமெரிக்காவின் அர்கன்ஸாஸ் (Arkansas) மாநிலத்தை மையமாக கொண்டு இயங்குவது, குழந்தைகளுக்கான உணவு தயாரிப்பு நிறுவனமான டைஸன் ஃபுட்ஸ் (Tyson Foods).
Tyson Foods அசைவ உணவு தயாரிப்பில் உலகளவில் பிரபலமான பன்னாட்டு நிறுவனம். இவர்களின் தயாரிப்புகளில் “ஃபன் நக்கெட்ஸ்” (Fun Nuggets) எனப்படும் சிறுவர்-சிறுமியர்களுக்கான நொறுக்குத்தீனி பாக்கெட்டுகளை குழந்தைகள் விரும்பி வாங்குவதுண்டு.
பல்லாயிரம் பாக்கெட்டுகளை மீளப்பெற்ற நிறுவனம்
குறித்த நிறுவனம் குழந்தைகளுக்கு பிடித்தமான ‘டைனோஸர்’ வடிவத்தில் சிக்கன் மற்றும் பிரெட் தூள்களை கொண்டு தயாரிக்கப்படும் இந்த தின்பண்டங்கள் அதன் தனிப்பட்ட சுவைக்காக பிரபலமானது.
இந்நிறுவனம் சில நாட்களுக்கு முன் “2024 செப்டம்பர் 4” எனும் திகதியை காலாவதியாகும் திகதியாக குறிப்பிட்டு சுமார் 1 கிலோகிராம் (29 அவுன்ஸ்) எடையுள்ள பல்லாயிரம் பாக்கெட்டுகளை அந்நாட்டின் சுமார் 9 மாநிலங்கள் முழுவதும் கடைகளில் விற்பனைக்கு அனுப்பியிருந்தது.
அவற்றை விலைக்கு வாங்கிய பலர் அந்த பாக்கெட்டுகளில் சிறு உலோக துண்டுகள் இருப்பதை கண்டு அதிர்ச்சியடைந்தனர். இச்செய்தி இணையத்திலும் பரவியது. இதையடுத்து நிறுவனம் தானாகவே முன் வந்து அனைத்து கடைகளிலும் உள்ள “ஃபன் நக்கெட்ஸ்” பாக்கெட்டுகளை திரும்ப பெற்று கொள்வதாக அறிவித்துள்ளது.
அத்துடன் “முன்னெச்சரிக்கை நடவடிக்கையாக மக்களின் உடலாரோக்கியம் கருதி இந்த முடிவை எடுத்துள்ளோம். முன்னரே இவற்றை வாங்கி வீட்டில் வைத்திருக்கும் வாடிக்கையாளர்கள் அவற்றை பயன்படுத்தாமல் போட்டு விடவும்.
இல்லையென்றால் கடைகளில் கொடுத்து மாற்றி கொள்ளவும். மேலும் விவரங்கள் தேவைப்பட்டால் எங்களை தொடர்பு கொள்ளவும்” என அந்நிறுவனம் இது குறித்த தனது அறிக்கையில் தெரிவித்துள்ளது.
இந்த செய்தியை அமெரிக்காவின் உணவு பாதுகாப்பு மற்றும் ஆய்வு துறையும் உறுதிப்படுத்தியுள்ளது. மேலும் இந்த உலோக துண்டுகளால் ஒரே ஒரு வாடிக்கையாளர் மட்டுமே தனது வாயில் காயம் ஏற்பட்டதாக புகார் அளித்துள்ளதாகவும் குறிப்பிடப்பட்டுள்ளது.