பாப் இசை பாடல்களின் ராணியாக உலகம் முழுவதும் புகழ் பெற்றவர் 64 வயதான அமெரிக்க பாடகி மடோனா. பாடகி மடோனா சில தினங்களுக்கு முன் மயக்கமடைந்த நிலையில் காணப்பட்டு உடனே மருத்துவமனைக்கு கொண்டு செல்லப்பட்டார்.
அங்கு தீவிர சிகிச்சை பிரிவில் அனுமதிக்கப்பட்ட அவருக்கு சுவாச சீராக்கத்திற்காக இண்டுபேஷன் (intubation) சிகிச்சை வழங்கப்பட்டது. பின்பு அதை வைத்தியர்கள் அகற்றினர். அவர் தொடர்ந்து தீவிர கண்காணிப்பில் உள்ளார்.
பாடகரின் குடும்ப உறவினர் ஒருவர், “கடந்த இரண்டு நாட்களாக, இது (மடோனாவின் உடல்நிலை) எந்த திசையில் திரும்ப போகிறது என்பது யாருக்கும் தெரியாமல் இருந்தது. அவரது குடும்பத்தினர் எந்த மோசமான செய்திக்கும் தயாராகி வருகின்றனர்” என கூறினார்.
கனடா நாட்டின் வேன்கூவர் நகரில் “செலிப்ரேஷன் டூர்” என்ற பெயரில் ஜூலை 15-2023 முதல் ஜனவரி 30-2024 வரை ஒரு உலக சுற்றுப்பயணம் மேற்கொள்ளவிருந்த மடோனாவிற்கு திடீரென ஏற்பட்ட தீவிர தொற்று நோய் காரணமாக அப்பயணம் உடனடியாக ரத்து செய்யப்பட்டது குறிப்பிடத்தக்கது.