பிப்ரவரி 4-ம் தேதியுடன் முடிவடையும் நடமாட்டக் கட்டுப்பாட்டு ஆணை (பி.கே.பி) கடுமையான செந்தர இயக்க நடைமுறைகளுடன் (எஸ்ஓபி) மேலும் இ
ரண்டு வாரங்களுக்கு நீட்டிக்கப்படும் என்று மூத்த அமைச்சர் (பாதுகாப்பு) இஸ்மாயில் சப்ரி யாகோப் தெரிவித்தார்.
சரவாக் தவிர்த்து, பி.கே.பி. 2.0-ஐ நாடு தழுவிய அளவில் விரிவுபடுத்துவதற்கான முடிவு சுகாதார அமைச்சின் ஆய்வுக்குப் பின்னர் எடுக்கப்பட்டது என்றார் அவர்.
“அனைத்து மாநிலங்களிலும் தினசரி வழக்குகள் இன்னும் அதிகரித்து வருவதை சுகாதார அமைச்சு உறுதிப்படுத்தியுள்ளது.
“இன்றையச் சிறப்பு அமர்வு, நிபந்தனைக்குட்பட்ட பி.கே.பி.-இன் கீழ் அறிவிக்கப்பட்ட சரவாக் மாநிலத்தைத் தவிர, பி.கே.பி. 2.0 நாடு முழுவதும் பிப்ரவரி 5 முதல் 18 வரை நீட்டிக்க ஒப்புக் கொண்டது,” என்று கோலாலம்பூரில் உள்ள பாதுகாப்பு அமைச்சில், இன்று செய்தியாளர் கூட்டத்தில் அவர் கூறினார்.
மாநிலங்களைக் கடக்கும் நடவடிக்கைகளும் சமூக நடவடிக்கைகளும் இன்னும் அனுமதிக்கப்படவில்லை என்றும் இஸ்மாயில் சப்ரி தெரிவித்தார்.
“எடுக்கப்பட்ட ஒவ்வொரு முடிவும் சுகாதார அமை
ச்சினால் வெளியிடப்பட்டத் தரவுகளை அடிப்படையாகக் கொண்டவை … நாங்கள் ஒருமுறை எல்லையைத் திறந்தபோது, அது கோவிட் -19 இன் நேர்மறையான நிகழ்வுகளின் அதிகரிப்புக்கு வழிவகுத்தது.
“மாநில எல்லைகளைக் கடந்ததால் ஏற்பட்ட திரளைகள் மட்டும் 31 உள்ளன,” என்று அவர் கூறினார்.
எவ்வாறாயினும், எஸ்ஓபிகள் மீண்டும் இறுக்கமாக்கப்படும் என்று இஸ்மாயில் சப்ரி கூறினார், எடுத்துக்காட்டாக, வெகுஜனக் கூட்டங்களைத் தவிர்ப்பதற்காக சூப்பர் மார்க்கெட்டில் நுழையும் நபர்களின் எண்ணிக்கையைக் கட்டுப்படு
த்துதல் போன்று.
“இந்த பி.கே.பி. நீட்டிப்புடன், எம்.கே.என். வழங்கும் கடுமையான எஸ்ஓபிகளுடன் நாங்கள் தொடருவோம்,” என்று அவர் கூறினார்.
வணிகத்தை மீண்டும் திறக்க ஏதுவாக, செயல்பட அனுமதிக்காத வணிகத் துறைகளின் விண்ணப்பங்கள் மற்றும் முறையீடுகளை எம்.கே.என். பரிசீலித்து வருவதாகவும் அவர் கூறினார்.
இருப்பினும், கார் கழுவும் கடை, முடிதிருத்தும் கடை மற்றும் பிற துறைகளின் ஒவ்வொரு விண்ணப்பமும், எம்.கே.என். சிறப்பு அமர்வில் ஒப்புதலுக்கு முன், சுகாதார அமைச்சினால் இடர் மதிப்பீடு செய்யப்பட்ட பின்னரே அங்கீகரிக்கப்படும்.
“நாங்கள் ஒவ்வொரு விண்ணப்பத்தையும் அப்படியே நிராகரிக்கவில்லை … நாங்கள் எல்லாவற்றையும் ஆய்வு செய்கிறோம், கவனமாக, சுகாதார அமைச்சின் கருத்துகளைப் பெறுகிறோம், அவ்வமைச்சினால் அனுமதிக்க முடிந்தால், நாங்கள் அனுமதிப்போம்,” என்று அவர் கூறினார்.