India

கோவிலுக்கு வெளியே விரட்டப்பட்ட பெண்! தலைவிரித்தாடும் சாதிய கொடுமை!

02/05/2018

733

(Tamil Nadu Girl Stop Enter Amman Temple Issue)

இந்தியாவின் புதுவை மாநிலம் திருக்கனூர் அருகே உள்ள திரவுபதி அம்மன் கோவிலில் சித்திரை மாத தீமிதி திருவிழாவுக்கு சென்ற அதே ஊரைச் சேர்ந்த 30 வயதான ராதா என்னும் பெண்ணை சாமி தரிசனம் செய்யவிடாது துரத்தியடித்த சம்பவம் அங்கு பெரும் அதிர்ச்சியை ஏற்படுத்தியுள்ளது.

திரளான பக்தர்கள் கலந்து கொண்ட திருவிழாவில் திருமணமாகாத குறித்த பெண்ணை நுழையவிடாமல் தடுத்த போது ,வேதனை அடைந்த பெண் ராதா அங்கிருந்தவர்களுடன் வாக்குவாதத்தில் ஈடுபட்டார்.

சாமியின் திருக்கல்யாணத்தை பார்த்தாலாவது தனக்கு திருமணம் கைகூடி வரும் என வந்தேன் ஆனால் ஏன் என்னை தடுக்கிறீர்கள் என கேட்டார்.

அந்த பெண்ணுக்கு ஆதரவாக சிலர் பேசினார். இதனால் இரு தரப்புக்கும் மோதல் முற்றிய நிலையில் ராதாவை எதிர் தரப்பினர் மிரட்டி வலுக்கட்டாயமாக வெளியேற்றினர்.

இந்த சம்பவத்தை ஒரு வாலிபர் தனது செல்போனில் படம்பிடித்து சமூக வலை தளங்களில் பதிவிட்டார்.

கோவிலுக்குள் செல்ல பெண்ணுக்கு அனுமதி மறுத்த விவகாரம் பெரும் பரபரப்பை ஏற்படுத்தி உள்ள இந்த சம்பவம் குறித்து திருக்கனூர் போலீசார் மற்றும் வருவாய் துறை அதிகாரிகள் விசாரணை நடத்தி வருகின்றனர்.

திரவுபதி அம்மன் கோவிலுக்கு சாமி கும்பிட வந்த பெண்ணுக்கு அனுமதி மறுத்து இருப்பது சாதிய தீண்டாமை கொடுமை ஆகும்.

இந்த சம்பவத்தில் சம்பந்தப்பட்டவர்கள் மீது அரசு வன்கொடுமை தடுப்பு சட்டத்தின்கீழ் வழக்குப்பதிவு செய்து உடனடியாக நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.