பிரித்தானியாவின் உள்துறை அமைச்சராக பாகிஸ்தான் வம்சாவளி!

01/05/2018

715

(Pakistan Origin Person Appointed British Home Minister)

பிரிட்டன் வாசிகளை சட்டவிரோத குடியேறிகள் என அடையாளப்படுத்தப்பட்டதில் முறைகேடு நடந்துள்ளதாக அந்நாட்டு எதிர்க்கட்சிகள் போர் கொடி தூக்கின.

இதனை அடுத்து, உள்துறை மந்திரி ஆம்பர் ரூத் பதவி விலக வேண்டும் எனவும் குரல்கள் எழுந்தன.

இரண்டாம் உலகப்போருக்கு பின்னர் பிரிட்டன் முழுவதும் சேதமடைந்த பகுதிகளை மறுகட்டமைப்பு செய்வதற்காக கரீபியன் தீவுகளில் இருந்து அழைத்துவரப்பட்ட பல்லாயிரக்கணக்கான தொழிலாளர்கள் அங்கேயே நிரந்தரமாக குடியேறிய பின்னர் அவர்களில் பலருக்கு பிரிட்டனில் மருத்துவ காப்பீடு உள்ளிட்ட சில திட்டங்கள் மறுக்கப்பட்டது. பிரிட்டனில் வாழ்வதற்கு உரிய ஆவணங்களை அவர்கள் வைத்திருக்காவிடில் மீண்டும் நாடுகடத்தப்படுவார் என அதிகாரிகள் மிரட்டியுள்ளனர்.

இந்த சர்ச்சையை அடுத்து ஆம்பர் ரூத் தனது பதவியை ராஜினாமா செய்துள்ளார்.

இந்நிலையில், பாகிஸ்தான் வம்சாவளி எம்.பி.யான சஜித் ஜாவித் புதிய உள்துறை மந்திரியாக நியமிக்கப்பட்டுள்ளார். விரைவில் அவர் பதவியேற்பார் என தெரிவிக்கப்பட்டுள்ளது.