நிட்டம்புவ பிரதேசத்தில் இருந்து கொக்காவெவ பிரதேசத்தில் உள்ள விகாரைக்கு சுகயீனமடைந்த தாயை சிகிச்சைக்கு அழைத்து சென்ற பாடசாலை மாணவி ஒருவரை பாலியல் துஷ்பிரயோகம் செய்ததாக சந்தேகிக்கப்படும் நபர் ஒருவர் கைது செய்யப்பட்டுள்ளார் என பொலிஸார் தெரிவித்தனர்.
கொக்காவெவ பொலிஸ் பிரிவிற்குட்பட்ட அலுத் திபுல் ஏரி பகுதியில் விகாரை நடத்தி வந்த ஒருவரே இவ்வாறு கைது செய்யப்பட்டுள்ளார்.
சிறுமியின் உடலில் அமானுஷ்ய சக்தி
நிட்டம்புவ, கலகெடிஹேன பிரதேசத்தைச் சேர்ந்த சிறுமி தனது தாயுடன் பூஜை நடவடிக்கைக்காக விகாரைக்கு வந்துள்ளார்.
அங்கு வந்த போது சிறுமியின் உடலில் அமானுஷ்ய சக்தி இருப்பதாகக் கூறி குறித்த நபர் சிறுமியை துஷ்பிரயோகம் செய்யப்பட்டதாக பொலிஸார் தெரிவித்தனர்.
இந்நிலையில் சிறுமியையும் தாயையும் பூஜை செய்து கொண்டிருந்த போது சிறுமிக்கு ஏற்பட்டுள்ள அமானுஷ்ய சக்திகளை அகற்ற தேவையான வேலைகளை தயார் செய்த பின்னர் தாயாரை வெளியே செல்லுமாறு விகாரையின் பாதுகாவலர் கூறியதாக பொலிஸார் தெரிவித்துள்ளனர்.
அதன் பின்னர் “கடவுள் வந்துள்ளார்” என பலமுறை கூறி பாலியல் பலாத்காரம் செய்ததாக பொலிஸாரிடம் முறைப்பாடு செய்யப்பட்டுள்ளது.
சிறுமி வீட்டுக்குச் சென்று இது குறித்து தனது தாயாரிடம் கூறியதையடுத்து தாய் நிட்டம்புவ பொலிஸில் முறைப்பாடு செய்துள்ளார்.
கைது செய்யப்பட்ட சந்தேக நபர் நீதிமன்றத்தில் ஆஜர்படுத்தப்படவுள்ள நிலையில் மேலதிக விசாரணைகளை பொலிஸார் முன்னெடுத்து வருகின்றனர்.