கிராமப்புற வறுமையை ஒழித்து சமூகங்களை மேம்படுத்துவதை நோக்கமாகக் கொண்ட ‘பிரஜா சக்தி’ தேசிய திட்டம் ஜனாதிபதி அநுர குமார திசாநாயக்கவின் தலைமையில் இன்று வெள்ளிக்கிழமை (4) அலரி மாளிகையில் நடைபெற்ற விழாவில் அதிகாரப்பூர்வமாகத் தொடங்கி வைக்கப்பட்டது.
“பிரஜா சக்தி” தேசிய திட்டம் சமூகங்களை அதிகாரமளிப்பதையும் பொருளாதார நன்மைகளை சமமாக விநியோகிப்பதை உறுதி செய்வதையும் நோக்கமாகக் கொண்ட திட்டமாகும்.
அரசாங்கத்தின் கொள்கை அறிக்கையில் குறிப்பிடப்பட்டது போன்று இத்திட்டம் ஜனாதிபதி தலைமையில் அதிகாரப்பூர்வமாகத் தொடங்கிவைக்கப்பட்டுள்ளது.
இத்திட்டம் சமூக அதிகாரமளிப்புக்கான பன்முக அணுகுமுறையை ஏற்றுக்கொள்கிறது. பாதிக்கப்படக்கூடிய குழுக்களுக்கான கட்டமைக்கப்பட்ட சமூகப் பாதுகாப்பில் வலுவான கவனம் செலுத்துகிறது என்று அரசாங்கம் தெரிவித்துள்ளது.