பங்காளதேசத்தின் வடக்கே உள்ள மைமன்சிங் மாவட்டம் திரிஷால் பகுதியில், 60 வயதுடைய இந்து தொழிலதிபர் சுஷென் சந்திர சர்க்கார் கடுமையான ஆயுத தாக்குதலால் உயிரிழந்த சம்பவம் கவலை எழுப்பியுள்ளது. பிரச்னை ஏற்பட்ட போது அவரது மகன் பலமுறை மொபைல் மூலம் தந்தையுடன் தொடர்பு கொள்ள முயற்சித்தாலும் பதில் கிடைக்கவில்லை.
இதையடுத்து நேரில் தந்தையை தேடிய அவர் சுஷெனை பலத்த காயங்களுடன் படுகாயமடைந்த நிலையில் கண்டுபிடித்தார். உடனடியாக மைமன்சிங் மருத்துவ கல்லூரி மருத்துவமனைக்கு கொண்டு செல்லப்பட்ட சுஷென் சிகிச்சை பலனின்றி உயிரிழந்தார் என்று திரிஷால் உதவி பொலிஸ் சூப்பிரெண்டு ஹசன் இஸ்ராப் உறுதிப்படுத்தியுள்ளார்.
தற்போதைய படுகொலை காரணம் இன்னும் நிரூபிக்கப்படவில்லை விசாரணை பணிகள் தொடர்கின்றன. இதற்கு முன்பு கடந்த ஆண்டு டிசம்பர் 18-ந்திகதி தீபு சந்திரதாஸ் என்ற இந்து தொழிலாளி கூட அதே மாவட்டத்தில் மர்ம கும்பலால் தாக்கப்பட்டு உயிரிழந்தார்.
இந்த சம்பவத்தையும் தொடர்ந்து கடந்த 2 மாதங்களில் இந்து சிறுபான்மையினர் மீது பல படுகொலை சம்பவங்கள் நிகழ்ந்துள்ளதாக தெரிவிக்கப்பட்டுள்ளது. வலுவான பொது தேர்தல் நிகழ்வுக்கு முன்பு நாட்டில் வன்முறை பரவி வருவதால், நிலை பரபரப்பாக உள்ளது.