அமெரிக்காவில் காதல் திருமணம் செய்து கொண்ட தம்பதி 14 ஆண்டுகளில் 16 குழந்தைகளை பெற்றெடுத்துள்ளனர். இந்நிலையில் அடுத்த குழந்தைக்கு காத்திருக்கும் அவர்கள் 20 குழந்தைகள் பெற்றுக் கொள்ள திட்டமிட்டுள்ளதாக கூறுகின்றனர்.
அமெரிக்காவின் வடக்கு கரோலினா மாகாணத்தில் கார்லோஸ் – பட்டி ஹெர்னாண்டஸ் தம்பதி 14 ஆண்டுகளுக்கு முன் காதலித்து திருமணம் செய்து கொண்டனர். தம்பதிகள் இருவருக்கும் தற்போது 40 வயது ஆகிறது. இந்த தம்பதி இதுவரை 16 குழந்தைகளை பெற்றெடுத்துள்ளனர்.
16 குழந்தைகளில் 6 ஆண் 10 பெண் குழந்தைகளில் ஆறு பேர் இரட்டைக் குழந்தைகள் உள்ளனர். இந்நிலையில் ஹெர்னாண்டஸ் தற்போது மீண்டும் கர்ப்பமாக உள்ளார்.
20 குழந்தைகள் பெற்றுக் கொள்வதே லட்சியம் என கூறும் இந்த தம்பதி தங்கள் குழந்தைகளுக்கு ‘சி’ என்ற எழுத்தில் துவங்கும் படி பெயர் சூட்டி மகிழ்ந்து வருகின்றனர்.
வாரத்துக்கு 72 ஆயிரம் ரூபாய் செலவு
இவர்கள் வீட்டில் உள்ள ஐந்து படுக்கை அறைகளில் குழந்தைகளுக்கான அடுக்கு படுக்கைகளும் அமைக்கப்பட்டுள்ளன. மேலும் குழந்தைகளின் பராமரிப்புக்காக வாரத்துக்கு 72 ஆயிரம் ரூபாய் செலவு செய்வதாக கார்லோஸ் கூறி ஆச்சர்யத்தை ஏற்படுத்தியுள்ளார்.
தற்காலத்தில் ஒரு குழந்தையை வள்ர்ப்பதே தங்களுக்கு சிரமமாக உள்ளதாக தெரிவிக்கும் பெற்றோர்களுக்கு மத்தியில் இந்த தம்பதிகள் 20 குழந்தைகளை பெற்றெடுக்க ஆசைப்படுவது பெரும் ஆச்சர்யத்தை ஏற்படுத்தியுள்ளது.
