பிரெஞ்சு ஜனாதிபதிகளில் மிக மோசமான பிரபலத்தன்மையை ஜனாதிபதி இம்மானுவல் மக்ரோன் அடைந்துள்ளதாக கூறப்படுகின்றது.
இம்மானுவல் மக்ரோன் இரண்டாது சுற்று ஜனாதிபதி ஆட்சியில் மிகக்குறைந்த செல்வாக்கு இழப்பை தற்போது சந்தித்துள்ளதாக கருத்து கணிப்புகள் தெரிவிப்பதாக கூறப்படுகின்றது.
அண்மையில் மேற்கொள்ளப்பட்ட புதிய ஆய்வு ஒன்றில் இது தெரியவந்துள்ளது. மக்ரோன் தற்போது வெறுமனே 17% சதவீதமான மக்களினால் மட்டுமே விரும்பப்படுவதாகவும், அவர் 7 புள்ளிகளை இழந்துள்ளதாகவும் தெரிவிக்கப்படுகிறது.
2017 ஆம் ஆண்டில் அவர் முதன் முறையாக ஜனாதிபதியாக பொறுப்பேற்றுக்கொண்டதன் பின்னர் அவர் பெறும் மிக குறைந்த செல்வாக்கு இதுவாகும்.
79% சதவீதமானவர்கள் மக்ரோனின் ஆட்சியில் திருப்தி இல்லை எனவும், 4% சதவீதமானவர்கள் கருத்துக்கள் தெரிவிக்க விரும்பவில்லை எனவும் ஏனைய 17% சதவீதமானவர்கள் மட்டுமே ஆதரவு தெரிவிப்பதாக தெரிவிக்கப்பட்டுள்ளது. Ipsos நிறுவனம் இந்த கருத்துக்கணிப்பை மேற்கொண்டுள்ளதாகவும் அந்த தகவல்கள் கூறுகின்றன.