உலகின் முக்கிய விருது வழங்கும் நிகழ்வுகளில் ஒன்றான எம்மி விருது வழங்கும் நிகழ்வில் மிக இள வயதில் எம்மி விருது வென்றவர் என்ற சாதனையை நடிகர் ஒவனெ் கூப்பர் நிலைநாட்டியுள்ளார்.
நெட்ஃபிளிக்ஸின் உணர்ச்சி பூர்வமான “Adolescence” (இளமை) தொடரில் தனது அற்புதமான நடிப்பால் 15 வயது ஓவென் கூப்பர், எம்மி விருதைப் பெற்ற இளைய ஆண் நடிகராக சாதனை படைத்துள்ளார்.
நான்கு பகுதிகளாக உருவாக்கப்பட்ட இந்த பிரிட்டிஷ் தொடரின் படப்பிடிப்பு நடந்த போது இங்கிலாந்தின் வாரிங்டனில் பிறந்த கூப்பருக்கு வெறும் 14 வயது மட்டுமே என்பது குறிப்பிடத்தக்கது. ஒரு பள்ளி மாணவி குத்திக் கொல்லப்பட்ட சம்பவத்தினை பின்னணியாகக் கொண்டு அடொல்சென் தொடர் உருவாக்கப்பட்டது.
ஜேமி என்ற சந்தேக நபர் பாத்திரத்தில் நடித்த ஓவென் கூப்பரின் நடிப்பு விமர்சகர்களால் “அதிர்ச்சிகரமானது”, “மிகச் சிறந்தது” என்று பாராட்டப்பட்டது. ஓவென் 10 வயதில் நடிகராகும் ஆர்வம் கொண்டார்.
மான்செஸ்டரில் வாரந்தோறும் நடக்கும் நடிப்பு வகுப்புகளில் இரண்டு ஆண்டுகள் கலந்து கொண்டார். இந்த தொடருக்கு முன் அவருக்கு தொலைக்காட்சி அல்லது திரைப்பட அனுபவம் இல்லை.
இந்த விருதைப் பெறுவதன் மூலம், 1973-ல் That Certain Summer தொடருக்காக 16 வயதில் எம்மி வென்ற ஸ்காட் ஜாக்கோபியின் சாதனையை முறியடித்துள்ளார்.