ஆண்கள் டென்னிஸ் செம்பியன்ஷிப் போட்டி இத்தாலியின் துரின் நகரில் கடந்த 10 ஆம் திகதி ஆரம்பமானது. இப்போட்டி நாளை 17 ஆம் திகதி வரையில் நடைபெறுகிறது.
இப்போட்டியில் ஒற்றையர் தரவரிசையில் முதல் 8 இடங்களில் உள்ள வீரர்களும் இரட்டையர் பிரிவில் டொப் – 8 ஜோடியினரும் கலந்து கொள்கின்றனர்.
இந்நிலையில், ஆண்கள் ஒற்றையர் பிரிவில் 3 ஆவது லீக் போட்டியில் 6 ஆவது நிலை வீரர் நோர்வேயின் கெஸ்பர் ரூட் 8 ஆவது நிலை வீரரான ஆண்ட்ரூ ரூப்லெவ் உடன் விளையாடினார். இதில் கெஸ்பர் ரூட் 6-4, 5-7,6-2 என்ற கணக்கில் வெற்றியீட்டினார்.