பாகிஸ்தான் நாட்டில் செகண்ட் ஹேண்ட் துணிகள் மற்றும் பொருட்களை விற்கும் பல்பொருள் அங்காடி கடை திறக்கப்பட 30 நிமிடங்களுக்குள் மொத்தமாக கொள்ளையடிக்கப்பட்ட சம்பவம் ஒன்று இடம்பெற்றுள்ளது.
ஆரம்ப சலுகையாக இலங்கை மதிப்பில் 53 ரூபாவுக்கு குறைவாக [PKR பொருட்கள் வழங்கப்படும் என்று விளம்பரம் செய்யப்பட்டிருந்த நிலையில் பல்பொருள் அங்காடி திறப்பு விழாவில் ஆயிரக்கணக்கோர் திரண்டனர். கூட்டத்தைக் கட்டுப்படுத்த முடியாமல் மால் ஊழியர்கள் கதவை அடைத்துள்ளனர்.
இருப்பினும், கண்ணாடியை உடைத்துக்கொண்டு உள்ளே நுழைந்த மக்கள், துணிகள், பொருட்கள் என அனைத்தையும் திருடி அதை வீடியோவும் எடுத்து மகிழ்ந்துள்ளனர்.
மதியம் 3 மணிக்கு பல்பொருள் அங்காடி திறக்கப்பட்ட நிலையில் 3.30 மணிக்குள் மால் முற்றிலுமாக காலி செய்யப்பட்டுள்ளது. இதுதொடர்பான வீடியோக்கள் இணையத்தில் வைரலாகி வருகிறது.