ரூ.110 முதல் சம்பளம்: 18 வயதில் கோடிகளை அள்ளிய சாஹேலி சட்டர்ஜி

0
50

சமூக வலைதளங்களின் பிரமாண்டமான உலகில் சமூக வலைதள சந்தைப்படுத்தல் நிபுணரான சஹேலி சட்டர்ஜி என்ற பெயர் தனித்து விளங்குகிறது.

சஹேலி சட்டர்ஜி (Saheli Chatterjee) என்ற பெயர் சமூக வலைதள சந்தைப்படுத்தல் (Digital Marketing) துறையில் தனித்து விளங்குகிறது.

அவர் தனக்கென ஒரு இடத்தை மட்டுமல்லாமல், எண்ணற்ற தனிநபர்கள் மற்றும் வணிகர்களை ஆன்லைன் துறையில் தங்கள் முழு திறனை உணர உதவியுள்ளார்.

டிஜிட்டல் தொழில் முனைவோர் உலகில் சஹேலி பயணம் 18 வயதிலேயே தொடங்கியது. தனது முதல் கட்டண வேலைக்கு அவர் வெறும் ரூ.110 மட்டுமே பெற்றார், ஆனால் இறுதியில் ஆண்டுக்கு ரூ.2 லட்சம் வரை ஈட்டினார்.

அவர் 21 வயதை எட்டியபோது, சஹேலியின் வியாபாரம் ரூ.2 கோடி வருவாய் ஈட்டும் அளவிற்கு உயர்ந்தது. கடந்த ஆண்டில் மட்டும், சஹேலியின் வருவாய் ரூ.1,64,20,000 ஆக உயர்ந்தது. சஹேலி சட்டர்ஜி பல்வேறு சமூக ஊடக தளங்களில் 2.5 லட்சத்திற்கும் மேற்பட்ட பின்தொடர்பவர்களைக் கொண்டுள்ளார்.

 “நான் என் பின்தொடர்பவர்களின் எண்ணிக்கையை அதிகரிக்க விரும்பவில்லை நான் தலைவர்களை உருவாக்க இங்கு வந்திருக்கிறேன்” என சஹேலி சட்டர்ஜி தெரிவித்துள்ளார்.

டிஜிட்டல் மார்க்கெட்டிங் நிறுவனம்

மேலும் அவர் தனது டிஜிட்டல் மார்க்கெட்டிங் நிறுவனமான AmbiFem நடத்தி வருகிறார். அங்கு சாஹேலி, லான்ச் மேனேஜ்மென்ட், சமூக வலைதள சந்தைப்படுத்தல் மற்றும் தனிப்பட்ட பிராண்டுகள் மற்றும் செல்வாக்கு செலுத்துபவர்களுக்கான ஆலோசனை ஆகியவற்றில் நிபுணத்துவம் பெற்ற நிபுணர்களின் குழுவை வழிநடத்துகிறார்.

மேலும் வருவாயை எவ்வாறு ஈட்டுவது என்பது குறித்து எண்ணற்ற சுய தொழில் புரிபவர்களுக்கு வழிகாட்டியுள்ளார். இவர் ஃப்ரீலான்ஸ் 101 அகாடமியின் (Freelance 101 Academy) நிறுவனரும் ஆவார்.