இங்கிலாந்தில் ‘அரைவாசி இதயத்துடன்’ பிறந்த மைலா கர்ட்டிஸ் என்ற அதிசயக் குழந்தை தற்போது பாடசாலை செல்ல ஆரம்பித்திருக்கிறது குறித்து அதன் தாய் மகிழ்ச்சி தெரிவித்திருக்கிறார். England Wonderful child living half heart
இங்கிலாந்தின் டிராய்ட்விச் பகுதியைச் சேர்ந்த ஜேமி கர்ட்டிஸ் – ஜோஸ் ஸ்டீவன்ஸ் தம்பதியர்களுக்கு கடந்த 2016-ம் ஆண்டு அரைவாசி இதயத்துடன் ஒரு பெண் குழந்தை பிறந்து தற்போது வரை பல்வேறு இன்னல்களுக்கு மத்தியிலும் மிகவும் மகிழ்ச்சியாக வாழ்ந்து வரும் குழந்தையின் பிறப்பு பற்றி அவரது தாயார் தெரிவித்துள்ளார்.
மேலும் இது குறித்து, 26 வயதாகும் குழந்தையின் தாய் கூறும்போது, ‘‘நான் கர்ப்பமடைந்து 25 வாரங்கள் கழித்து குழந்தையின் வளர்ச்சியை ஸ்கேன் செய்து பார்ப்பதற்காக வூர்செஸ்டரில் உள்ள ராயல் மருத்துவமனைக்குச் சென்ற போது அங்கு, மருத்துவர்கள் குழந்தையின் இதய வளர்ச்சியில் குறைபாடு இருப்பதால், அதன் இயல்பான பிறப்பு குறித்து சந்தேகம் தெரிவித்தனர். அதைக் கேட்ட உடனே அதிர்ச்சியில் உறைந்த எனது கண்களில் இருந்து கண்ணீர் வழிய ஆரம்பித்தது.
நான் என்ன செய்வதென்று தெரியாமல் இருந்த வேளையில், பர்மிங்காம் பெண்கள் மருத்துவமனைக்கு என்னை அனுப்பி வைத்தனர். அங்கு பரிசோதனை மேற்கொண்ட மருத்துவர்கள், குழந்தை நீண்டநாட்களுக்கு உயிருடன் இருப்பது சந்தேகம் தான் எனத் தெரிவித்தனர். மேலும், கர்ப்பத்தைக் கலைப்பதற்கான ஆலோசனையையும் மருத்துவர்கள் எனக்குத் கூறினர்.
ஆனால் நானும் எனது கணவரும் அதற்கு சம்மதிக்கவில்லை. அவளும் இந்த உலகில் வாழ வேண்டும் என்றே நாங்கள் விரும்பினோம். பின்னர் ஒரு வழியாக ஜேமி பிறந்தாள். ஜேமி பிறந்த 5 நாட்களிலேயே அவளுக்கு இதய அறுவை சிகிச்சை மேற்கொள்ளப்பட்டது. குழந்தை என்பதால் அந்த நிலையில் அவளைப் பார்ப்பது மிகவும் கஸ்ரமாக இருந்தது. பின்னர் அவளுக்கு 18 மாதங்கள் கழித்தும் ஓர் அறுவைசிகிச்சையும், வயது முதிர்ந்தவுடன் ஓர் அறுவை சிகிச்சையும் செய்ய வேண்டும் என மருத்துவர்கள் அறிவுறுத்தினர்.
அதன்படி மேற்கொள்ளப்பட்ட இரண்டாவது அறுவை சிகிச்சைக்குப் பின்னர் ஜேமி தற்போது மிகவும் சந்தோசமாக அவளது நண்பர்களுடன் விளையாடுகிறாள். ஆனால் ஒரு சில நேரங்களில் மட்டும் அவளது இரத்த ஓட்டத்தில் ஏற்படும் சீரற்ற நிலையினால் மூச்சுத்திணறல் ஏற்படுகிறது. பொதுவாக அவள் மிகவும் சந்தோசமாக இருக்கிறாள்’’ எனத் தனது சந்தோஷத்தை வெளிப்படுத்தியுள்ளார் குழந்தையின் தாய்.
tags :- England Wonderful child living half heart
இன்னும் பல சுவாரஸ்யமான செய்திகள்
***************************************
- மதுபோதையால் மாணவிக்கு ஏற்பட்ட விபரீதம்!!
- லண்டன் பல்கலைக்கழகத்தில் தமிழ் இருக்கை
- 3 வயது குழந்தையின் கண்முன்னே தூக்கில் தொங்கிய தாய்!
- பிரித்தானிய மகாராணியால் கௌரவிக்கப்பட்ட தமிழன்!!
- ஒருநாள் தொடரில் இந்தியாவை வீழ்த்திய இங்கிலாந்து
- குழந்தையின் ஸ்கேன் படத்தில் இறந்த தாத்தாவின் முகம் இங்கிலாந்தில் அதிசயம்!!
-
தொடர்புடைய ஏனைய தளங்கள்
***********************************************