கொழும்பில் உள்ள பெண்களுக்கான காசல் வைத்தியசாலை பிரசவத்தின் போது பிரசவ அறையில் தந்தைகள் இருப்பதை அனுமதிக்கும் புதிய திட்டத்தை அறிமுகப்படுத்தியுள்ளது.
இது போன்ற ஒரு திட்டத்தை தொடங்கும் முதல் அரசு மருத்துவமனை இது என்று காசல் பெண்களுக்கான மருத்துவமனையின் பணிப்பாளர் வைத்தியர் அஜித் தண்டநாராயணா தெரிவித்தார்.
பிரசவ அறையில் ஒவ்வொரு தாய்க்கும் தனித்தனி அறைகள் தயார் செய்யப்பட்டுள்ளதாக வைத்தியர் தண்டநாராயணா மேலும் தெரிவித்தார்.
“பிரசவத்தின்போது கணவர்கள் மனைவியுடன் இருக்க அனுமதிக்கும் இந்தத் திட்டம், பெண் நல்ல மனநிலையில் குழந்தையைப் பெற்றெடுக்கும் அதே வேளையில், தம்பதியர் மற்றும் பெற்றோருக்கும் குழந்தைக்கும் இடையேயான உறவையும் வலுப்படுத்தும் ”என்று அவர் கூறினார்.