அமெரிக்கா ரெஸ்டாரன்ட் ஒன்றில் உயிரிழந்த தனது நண்பர் நினைவாக டிப்ஸாக 10 ஆயிரம் அமெரிக்க டாலர் வழங்கி நபரொருவர் ரெஸ்டாரன்ட் ஊழியர்களை திக்குமுக்காட வைத்த சம்பவம் ஒன்று இடம்பெற்றுள்ளது.
அமெரிக்காவின் மிச்சிகனில் உள்ள ரெஸ்டாரன்ட் ஒன்றில் மார்க் என்பவர் இரவு சாப்பாடு சாப்பிட சென்று உணவு மற்றும் தண்ணீர் பாட்டில் ஆர்டர் செய்துள்ளார். சாப்பிட்டு முடித்த உடன் பெரும்தொகையை டிப்ஸ் ஆக வழங்க முடிவு செய்த அவர் சாப்பிட்டு முடித்தபின், ஊழியர் பில் கொடுத்தபோது அதில் டிப்ஸ் ஆக ஒரு பெரும்தொகையை குறிப்பிட்டுள்ளார்.
ஆச்சர்யத்தில் மூழ்கிய ஊழியர்கள்
இந்நிலையில் அந்த பெரும்தொகை ஊழியர்களை ஆச்சர்யத்தில் மூழ்கடித்துள்ளது. அந்த நபர் 32.43 அமெரிக்க டாலர் மதிப்புக்கு சாப்பிட்டுள்ளார். ஆனால் டிப்ஸாக 10 ஆயிரம் அமெரிக்க டாலர் வழங்கியுள்ளார்.
வழக்கமாக 15 முதல் 25 சதவீதம் வரை டிப்ஸ் பெறுவோம். ஆனால் இந்த நன்றியுணவர்வுக்கு அளவே இல்லை என ஊழியர்கள் நெகிழ்ச்சி தெரிவித்தனர். ரெஸ்டாரன்ட் உரிமையாளர் அப்போது வேலையில் இருந்த 9 பேருக்கு அந்த தொகையை பிரித்து கொடுத்துள்ளார்.
இதற்கிடையே டிப்ஸ் கொடுத்த மார்க் தனது இஸ்டாகிராம் பக்கத்தில் இந்த டிப்ஸ் வழங்கிய பில்லை போஸ்ட் செய்து “நான் அழுகிறேன், நீ அழுகிறாய், நாம் அனைவரும் அழுகிறோம்” எனக் குறிப்பிட்டுள்ளார்.
இவ்வளவு தொகையை டிப்ஸ் கொடுப்பதாக எழுதியுள்ளீர்கள். தவறாக எழுதி விட்டீர்களா? என ரெஸ்டாரன்ட் மானேஜர் மார்க்கிடம் கேட்டுள்ளார். அதற்கு அவர் இல்லை. நான் தெரிந்துதான் எழுதியுள்ளேன்.
எனது நண்பர் சமீபத்தில் இறந்து விட்டார். அவரது இறுதிச் சடங்கு இந்த நகரில்தான் நடந்தது. இது அவரது நினைவாக டிப்ஸாக 10 ஆயிரம் அமெரிக்க டாலர் வழங்கியதாக அவர் தெரிவித்துள்ளார்.
இந்நிலையில் நண்பரின் நினைவாக டிப்ஸாக 10 ஆயிரம் அமெரிக்க டாலர் வழங்கிய சம்பவம் இணையவாசிகளை வியக்க வைத்துள்ளது.