இலங்கையின் மனித உரிமைகள் தொடர்பில் மேற்கத்திய நாடுகள் சில எடுத்துள்ள நிலைப்பாட்டை இலங்கையின் வெளிவிவகார அமைச்சர் அலி சப்ரி விமர்சித்துள்ளார். அரசியல் காரணங்களுக்காக இவ்வாறான நாடுகள் இரட்டை நிலைப்பாடு கொண்டுள்ளதாகவும் அவர் குற்றம் சுமத்தியுள்ளார்.
2009 இல் முடிவடைந்த 26 ஆண்டுகால உள்நாட்டு மோதலின் இறுதிக்கட்டத்தில் இலங்கை இராணுவம் போர்க்குற்றங்களை இழைத்ததாக குற்றச்சாட்டுக்கள் எழுந்துள்ளன.
இந்நிலையில் ஐக்கிய நாடுகளின் மனித உரிமைகள் பேரவையின் (UNHRC) மனித உரிமைப் பதிவுகள் மூலம் இலங்கை சர்வதேச விசாரணையை எதிர்கொள்கிறது. அடுத்தடுத்து வந்த இலங்கை அரசாங்கங்கள் சர்வதேச விசாரணைகளை எதிர்த்தன.
அமெரிக்கா, பிரித்தானியா மற்றும் கனடா உள்ளிட்ட மேற்கத்திய நாடுகளின் தலைமையிலான தீர்மானங்கள், சிறுபான்மைத் தமிழர்களின் புலம்பெயர்ந்தோர் செல்வாக்கு காரணமாக மனித உரிமைகள் பேரவை விசாரணைக்கு உத்தரவிட்டுள்ளது.
எமது நாட்டு மக்களின் மனித உரிமைகளை நாமே பார்க்க வேண்டும். மேற்கத்திய நாடுகளில் அவர்களின் மனித உரிமைகள் எவ்வாறு இருக்கின்றது?” என அலி சப்ரி கேள்வியெழுப்பியுள்ளார்.
அத்துடன் மனித உரிமைகள் விடயத்தில் இலங்கைக்கு வெளிநாடுகளுடனான தொடர்பு ஏன் வித்தியாசமானது என அலி சப்ரி கொழும்பில் செய்தியாளர்கள் மத்தியில் கேள்வியெழுப்பினார்.
“காஸாவில் 16,000 பேர் கொல்லப்பட்டுள்ளனர். அதை நிறுத்தச் சொல்கிறார்களா? அதற்கு நிதியுதவி செய்து ஆயுதம் வழங்குகிறார்கள். அவர்களின் இரட்டை வேடத்தை நாங்கள் ஏற்கவில்லை.” ஆனால் நமது மக்களை நாம் கண்ணியமாக நடத்த வேண்டும்” என அவர் வலியுறுத்தியுள்ளார்.
இதேவேளை, சட்டத்தின் ஆட்சியை நடைமுறைப்படுத்துவதில் நீதித்துறையும் பொலிஸாரும் தொடர்ந்து தோல்வியடைந்ததன் காரணமாக சிறுபான்மை இனமான தமிழர்களும் முஸ்லிம்களும் தங்களுக்கு எதிரான மனித உரிமை மீறல்களில் வெளிநாட்டு தலையீட்டை நாடியுள்ளனர் என்று அரசியல் ஆய்வாளர்கள் கூறுகின்றனர்.
அதிகாரத்தில் இருப்பவர்களுக்கு எதிராக கருத்து வேறுபாடு கொண்டவர்களை கைது செய்ய பயங்கரவாத தடுப்புச் சட்டத்தை (PTA) பயன்படுத்தியதாக அவர்கள் பொலிஸாரை குற்றம் சாட்டுகின்றனர்.
14 ஆண்டுகளுக்கு முன்னர் போரில் தோற்கடிக்கப்பட்ட தமிழீழ விடுதலைப் புலிகள் அமைப்பை புகழ்ந்து பேசியதற்காக குறைந்தது 11 தமிழ் இளைஞர்கள் கடந்த வாரம் பயங்கரவாத தடைச் சட்டத்தின் கீழ் கைது செய்யப்பட்டனர்.
இருப்பினும் பயங்கரவாத தடைச் சட்டதை “தேவையில்லாமல்” பயன்படுத்துவதை தான் ஏற்கவில்லை என்று அலி சப்ரி தெரிவித்துள்ளார்.
“சமீபத்திய பயங்கரவாத தடை சட்டத்தின் கைதுகளில் எனக்கு உடன்பாடு இல்லை. நான் நீதி அமைச்சராக இருந்தபோது பயங்கரவாத தடைச்சட்டம் திருத்தப்பட்டது.
நாட்டில் தமிழர்கள் கண்ணியத்துடன் வாழக்கூடிய சூழ்நிலையை உருவாக்க வேண்டும். பிரிவினைவாத யோசனையில் இணைய வேண்டாம் என்று இளம் தமிழ் தலைமுறையினரை கேட்டுக்கொள்கிறோம்.
பாராளுமன்றத்தில் உள்ள அனைத்து தமிழ் தலைவர்களும் பிரிவினைவாத சித்தாந்தத்தை கொண்டிருக்கவில்லை என்று கூறுகின்றனர். இருப்பினும் புலம்பெயர்ந்த தமிழ் மக்களிடம் இன்னும் அந்த சித்தாந்தம் உள்ளது” என்றார்.
தமிழ் மக்களுக்கு நீதி வழங்க உண்மை நல்லிணக்க ஆணைக்குழு வரவேண்டும். பயங்கரவாத தடைச்சட்டம் மாற்றப்பட வேண்டும் என்றார்.
தமிழ் மக்கள் நினைவு நாளை முன்னெடுக்கலாம். எங்களுக்கு அதில் எந்தப் பிரச்சினையும் இல்லை. பிரபாகரனின் (விடுதலைப் புலிகளின் தலைவர்) பெற்றோர்கள் கூட தங்கள் மகனுக்கு நினைவேந்தல் நிகழ்வை நடத்தலாம்.
ஆனால், விடுதலைப் புலிகளை புகழ்பாடாதீர்கள். உங்கள் அன்புக்குரியவர்களை நினைவுகூருவதில் எங்களுக்கு எந்த பிரச்சனையும் இல்லை.
ஆனால் இந்த நாட்டில் வன்முறையை ஏற்படுத்திய ஒரு தலைமுறை தமிழர்களை பின்னோக்கி அனுப்பிய தடைசெய்யப்பட்ட பயங்கரவாத அமைப்பை புகழ்வது. அது மீண்டும் நடைபெறுவதை நாங்கள் விரும்பவில்லை. அதை யாரும் விரும்பவில்லை.”
“எங்கள் பிரச்சினையை நாம் உள்நாட்டிலேயே தீர்க்க வேண்டும். எங்கள் பிரச்சனையை வேறு யாரும் தீர்க்க மாட்டார்கள். அவர்கள் (புலம்பெயர்ந்த தமிழ் மக்கள்) வாக்கு வங்கி அரசியல் செய்கிறார்கள்” என அலி சப்ரி மேலும் தெரிவித்துள்ளார்.