பிக்பாஸ் நிகழ்ச்சியில் கலந்து கொண்ட மும்தாஜ், இதுவரை திருமணம் செய்து கொள்ளவில்லை. 19 வருடங்களாக திரைத்துறையில் இருக்கும் அவருக்கு தற்போது 38 வயதாகிறது. Bigg boss Mumtaj talks about_her marriage
அவர் சமீபத்திய பேட்டி ஒன்றில் பிக்பாஸ் சக போட்டியாளரான விஜயலட்சுமியின் மகனைப் பார்த்தபோது தனக்கும் குழந்தை பெற்றுக் கொள்ள ஆசை வந்ததாக தெரிவித்துள்ளார்.
இது தொடர்பாக மும்தாஜ் தெரிவிக்கும் போது, “பிக்பாஸ் வீட்டிற்குள் வந்த விஜியின் மகனைப் பார்த்த உடன், நான் மிகவும் உணர்ச்சிவசப்பட்டேன். கதவை உடைத்துக் கொண்டு வீட்டிற்குச் சென்று என் வீட்டில் உள்ள குழந்தைகளைப் பார்க்க வேண்டும் என்று தோன்றியது. மேலும், விஜியின் குழந்தை நிலன் வீட்டிற்குள் நடந்து வந்ததை பார்த்த எனக்கு திருமணம் செய்துகொண்டு குழந்தைப் பெற்றுக்கொள்ள வேண்டுமென்று ஆசையாக இருந்தது” எனக் கூறினார்.
உடனே அவரிடம் திருமணம் செய்துகொள்ளப்போகிறீர்களா எனக் கேட்கப்பட்டதற்கு மழுப்பலான பதிலையே கூறியிருக்கிறார்.