பிரான்ஸில் இவ்வருட கோடை காலத்தில் ஏற்பட்ட வீதி விபத்துக்களில் பலி எண்ணிக்கை கணிசமாக மாற்றமடைந்துள்ளது. கடந்த வருடத்துடன் ஒப்பிடுகையில் 15.5% வீதம் குறைவடைந்துள்ளது. France August month road accidents decrease
2017 ஓகஸ்ட் விடுமுறை மாதத்தில், 297 பேர் வீதி விபத்தில் பலியாகியிருந்தனர். அதே மாதம் இவ்வருட ஓகஸ்ட்டில் 251 பேர் பலியாகியிருந்துள்ளனர்.
15.5 வீதத்தால் ஒரே மாதத்தில் எண்ணிக்கை சரிவடைவது இதுவே முதன் முறை. அதேவேளை, வீதி விபத்துக்களின் போது ஏற்படும் பலிகளின் எண்ணிக்கை கடந்த மே மாதத்தில் இருந்து தொடர்ச்சியாக குறைவடைந்து வருகின்றது.
கடந்த வருடத்துடன் ஒப்பிடுகையில், 2018 ஆம் ஆண்டு மே மாதத்தில் 8.4 வீதம், ஜூன் மாதத்தில் 9.3 வீதம், ஜூலை மாதத்தில் 5.5 வீதத்தாலும் குறைவடைந்துள்ளது. அதைத் தொடர்ந்து நான்காவது மாதமாக ஓகஸ்ட்டிலும் குறைவடைந்துள்ளது. அதேவேளை, விபத்தில் காயமடைந்தவர்களின் எண்ணிக்கையும் 2.1 வீதத்தால் குறைவடைந்துள்ளது.