சிகிச்சைக்காக முதலைகள் போல் சாலையில் ஊர்ந்து செல்லும் மக்களை சீனாவில் பார்க்கலாம் என்பது ஆச்சரியமாக இருந்தாலும் முதலையாய் ஊர்ந்து செல்லும் மக்களின் நம்பிக்கை சிந்திக்க வைக்கிறது.
இன்றைய பரபரப்பான வாழ்க்கையில் நம் உடலை சரியான முறையில் பராமரிக்க முடிவதில்லை. இதனால் உடலில் பல பிரச்சனைகள் ஏற்படுகிறது. குறிப்பாக முதுகுவலி பிரச்சனை பொதுவானது. அதற்கு சிகிச்சையளிக்க பல வழிகள் உள்ளன.
சீனாவில் பிரபலமான முதலை சிகிச்சை
தற்போது முதுகு வலிக்கான பிரத்யேகமான முதலை சிகிச்சை சீனாவில் பிரபலமாகி வருகிறது. உடலில் ஏற்படும் பிரச்சனைகள் தீவிரமடையும் போது, சிகிச்சைக்காக நிறைய பணம் செலவழிக்கிறோம்.
மோசமான வாழ்க்கை முறையாலும் அலுவலகம், வீடு என பரபரப்பாக இயங்குவதாலும் முதுகு வலிதான் மிகப் பெரிய பிரச்சனையாக மாறியிருக்கிறது.
முதலையை போல ஊர்ந்து செல்லும் சீனர்கள் பொதுவாக இந்த வகையான பிரச்சனைகளுக்கு யோகா மற்றும் உடற்பயிற்சியை தேர்ந்தெடுக்கும் அதே வேளையில் உலகில் சில நாடுகளில் முதுகு வலிக்கான சிகிச்சைக்கு விசித்திரமான நுட்பங்கள் பின்பற்றப்படுகின்றன.
அதில் ஒன்றுதான் இந்த முதலை சிகிச்சை. சீனாவில் முதுகு வலிக்கு மிகவும் பிரபலமாகி வரும் இந்த சிகிச்சை முறை முற்றிலும் மாறுபட்டது. இந்த வகை சிகிச்சையால் மக்கள் முதலைகளைப் போல நடக்குமாறு கேட்டுக் கொள்ளப்படுகிறார்கள்.
இவ்வாறு நடப்பதன் மூலம் தமது பிரச்சினை முடிவுக்கு வருவதாக மக்கள் கூறுகின்றனர்.
இந்த சிகிச்சை முறை தற்போது சீனாவில் மிகவும் பிரபலமாகிவிட்டது. அங்கு ஆயிரக்கணக்கான மக்கள் இப்படி சாலையில் ஊர்ந்து செல்வதைக் காண முடிகிறது.
சீனாவின் சியாங்ஷான் மற்றும் சான்ஷா நகரங்களில் இந்த சிகிச்சை அதிகம் பின்பற்றப்படுகிறது. உண்மையில் இது முதலை நடை என்று அழைக்கப்படுகிறது. அத்துடன் அதற்காக தனி வகுப்புகள் நடத்தப்படுகின்றன.