இந்தியாவிற்கு அதிகளவில் கச்சா எண்ணெய்யை இறக்குமதி செய்யும் ரஷ்யா!

0
215

இந்தியாவிற்கு கச்சா எண்ணெய் ஏற்றுமதி செய்யும் நாடுகளின் பட்டியலில் ரஷ்யா 10வது இடத்தில் இருந்து 4வது இடத்திற்கு முன்னேறியுள்ளது.

உக்ரைன் போரைத் தொடர்ந்து ரஷ்யா மீது பல்வேறு நாடுகள் பொருளாதாரத் தடைகளை விதித்தன. இதன் எதிரொலியாக ரஷ்யாவிடம் இருந்து சலுகை விலையில் கச்சா எண்ணெய் பெறும் வாய்ப்பு இந்தியாவுக்கு கிடைத்தது.

ரஷ்யாவில் இருந்து இறக்குமதி செய்யப்படும் கச்சா எண்ணெயின் மதிப்பு, கடந்த ஏப்ரல் மாதம் 6 சதவீதம் உயர்ந்து நாளொன்றுக்கு 2 லட்சத்து 77 ஆயிரம் பேரல்களாக இருந்தது.

மே மாதத்தில் 4 லட்சத்து 87 ஆயிரத்து 500 பேரல்களாக உயரும் என புள்ளி விவரங்கள் தெரிவிக்கின்றன. கடந்த மார்ச் மாதம் ரஷ்யாவில் இருந்து ஒரு நாளைக்கு 66,000 பீப்பாய்கள் மட்டுமே இறக்குமதி செய்யப்பட்டது.