பிரிட்டனில் நாடாளுமன்ற அமர்வுகளின் போது ஆபாச படம் பார்த்த அரசியல்வாதியொருவர் தனது பதவியை ராஜினாமா செய்துள்ளார்.
பிரிட்டன் பிரதமர் பொரிஸ் ஜோன்சனின் கன்சர்வேட்டிவ் கட்சியைச் சேர்ந்த நீல் பாரிஷ் (Neil Parish) என்ற நாடாளுமன்ற உறுப்பினரே இவ்வாறு பதவியை ராஜினாமா செய்துள்ளார்.
நாடாளுமன்ற அமர்வுகளின் போது இரண்டு தடவைகள் தாம் ஆபாச காணொளியை பார்த்ததாக பாரிஷ் ஒப்புக் கொண்டுள்ளார்.
பண்ணை வாகனம் தொடர்பாக இணையத்தில் தேடுதல் நடாத்திய போது தற்செயலாக முதல் தடவை ஆபாச காணொளி பார்த்ததாக அவர் குறிப்பிட்டுள்ளார்.
இரண்டாவது தடவை திட்டமிட்டே பார்த்ததாக 65 வயதான பாரிஷ் தெரிவித்துள்ளார். முக்கியமான சில உள்ளுராட்சிகளுக்கு தேர்தல் நடைபெறவுள்ள நிலையில் பொரிஸ் ஜோன்சனின் அரசாங்கம் பல்வேறு சர்ச்சைகளில் சிக்கி வருகின்றமை குறிப்பிடத்தக்கது.
நாடாளுமன்ற அமர்வின் போது இவ்வாறு ஆபாச காணொளி பார்த்தமை தவறானது எனவும், இதற்காக வருந்துவதாகவும் பாரிஷ் தெரிவித்துள்ளார்.