நியூஸிலாந்தில் இறந்த ஒரு சிறுமிக்காக ஐபோன் உருவத்திலான அவரின் குடும்பத்தினர் கல்லறைக்கல் நிர்மாணித்துள்ளனர்.
அச்சிறுமி தனது செல்லிடத்தொலைபேசியை மிகவும் நேசித்தவர் என்பதே இதற்குக் காரணம் என தெரியவந்துள்ளது.
தெரேசா மதாஷியா(Theresa Madasia)எனும் சிறுமி 2018 ஆம் ஆண்டு தனது 15 வயதில் இறந்தார். இறப்பதற்கு முன்னர் பெரும்பாலான நேரத்தை தொலைபேசியுடனேயே அவர் செலவிடுவார் என அவரின் குடும்பத்தினர் தெரிவித்துள்ளனர்.
இதனால் அச்சிறுமியின் கல்லறையில், அவர் அதிகம் நேசித்த ஐபோன் உருவிலான கல்லறைக்கல்லை நிர்மாணித்ததாக, அண்மையில் வெளியிடப்பட்ட டிக்டொக் வீடியோ ஒன்றில் அவரின் குடும்பத்தினர் தெரிவித்துள்ளனர்.
இவ்வீடியோ 2.2 கோடி தடவைகளுக்கு மேல் பார்வையிடப்பட்டமை குறிப்பிடத்தக்கது. ‘இழப்புகளை அனைவரும் ஒரே மாதிரியாக சமாளிப்பதில்லை.
எமது குடும்பம் வித்தியசாமான முறையில் அதை செய்கிறது. இந்த வீடியோவைப் பார்த்து சிரிப்பதற்கும் நாம் அனுமதி தருகிறோம் என தெரேசாவின் சகோதரர் ஜெவ் தெரிவித்துள்ளார்.
