பிரபல கலைஞர்களான பாத்யா (Bathya) மற்றும் சந்துஷ் (Santhush ) ஆகியோர் ஜனாதிபதி கோட்டாபய ராஜபக்ஷவுக்கு கடிதம் எழுதி, பொதுமக்களின் கோரிக்கைகளுக்க் செவிசாய்க்குமாறு அழைப்பு விடுத்துள்ளனர்.
இலங்கை பாடகர்கள் எழுதிய கடிதத்தில், நாடு சிறந்து விளங்குவதற்கும் நாட்டின் குரலுக்கு செவிசாய்ப்பதற்கும் தகுதியுடையது என சுட்டிக்காட்டியுள்ளனர்.
மேலும், இலங்கைக்கு சரியான தீர்வு தேவை என்று கூறிய இருவரும், இந்த தேசத்தின் நம்பிக்கைகள் மற்றும் கனவுகளை மீண்டும் கொண்டு வரும் உண்மையுள்ள தீர்வு குடிமக்களுக்கு தேவை என்றும் தெரிவித்தனர்.
இதேவேளை மேலும் அவர்கள் தெரிவித்தது,
நாட்டு மக்கள் தங்களின் அடிப்படைத் தேவைகளுக்காகப் போராடுகிறார்கள். நாடு ஸ்தம்பித்துள்ளதைப் பார்க்கும்போது வருத்தமாக இருக்கிறது.
அன்பான ஜனாதிபதி, நாட்டின் குரலுக்கு செவிசாய்க்கவும், சிறந்த இலங்கைக்காக நாங்கள் உங்களுக்கு ஆதரவளித்தோம், இந்த தேசத்தின் அவலத்தை கண்டு நாங்கள் உண்மையிலேயே துக்கமடைந்து பேரழிவிற்கு உள்ளாகிறோம். இலங்கைக்கு சிறந்த தகுதி உள்ளது.
இலங்கையர்கள் தங்கள் எதிர்காலத்திற்காக, தங்கள் குழந்தைகளுக்காக தங்கள் இதயங்களை வெளிப்படுத்துகிறார்கள்.
மக்களை அடக்குவது தீர்வாகாது, படைகளை பயன்படுத்துவது தீர்வாகாது, அவசரகாலச் சட்டம் மற்றும் ஊரடங்குச் சட்டத்தை அமல்படுத்துவது தீர்வாகாது, சமூக ஊடகத் தடையை உருவாக்குவது தீர்வாகாது.
இலங்கைக்கு ஒரு சரியான தீர்வு தேவை, இந்த தேசத்தின் நம்பிக்கைகள் மற்றும் கனவுகளை மீண்டும் கொண்டுவரும் ஒரு உண்மையான தீர்வு. நாங்கள் எப்போதும் இந்த நாட்டு மக்களுக்காக இருந்தோம், இந்த நாட்டு மக்களுடன் நாங்கள் நிற்கிறோம். என பிரபல கலைஞர்களான பாத்யா மற்றும் சந்துஷ் ஆகியோர் தெரிவித்துள்ளனர்.