(Today Horoscope 1-2-2021)
இன்றைய நாள் இனிய நாளாக அமைந்திட வாழ்த்துகள்.
இன்று சார்வாரி வருடம், தை மாதம் 19ம் நாள், ஜமாதிஸானி 18ம் நாள், 1-2-2021 திங்கட்கிழமை, சதுர்த்தி மாலை 8.35 வரை. உத்திரம் காலை 2. 8 மணிவரை தியாஜ் 8.54 சித்தயோகம்.
திதி: சதுர்த்தி
முகூர்த்தநாள்.
சந்திராஷ்டமம்: அவிட்டம், சதயம்
* நல்ல நேரம் : காலை 6.30 மணி – 7.30 மணி மாலை 4.30 – 5.30 மணி
* ராகு காலம் : மாலை 7.30 – 9.00 மணி
* எமகண்டம் : மதியம் 10.30 – 12.00 மணி
* குளிகை : காலை 1.30 – 3.00 மணி
* சூலம் : கிழக்கு
பரிகாரம் : தயிர்
மேஷம்:
அமோகமான நாள். எதிர்பார்த்த இடத்திலிருந்து நல்ல செய்தி வரும். சமார்த்தியமாக பேசி சாதிப்பீர்கள். பணப்புழக்கம் அதிகரிக்கும். உறவினர் நண்பர்களால் நன்மை உண்டு. வியாபாரத்தில் வாடிக்கையாளர்களின் எண்ணிக்கை அதிகரிக்கும். உத்தியோகத்தில் அதிகாரிகள் முன்வைத்த கோரிக்கைகள் நிறைவேறும்.
ரிஷபம்:
கனவு நனவாகும் நாள். குடும்ப வருமானத்தை உயர்த்த புது முயற்சிகளை மேற்கொள்வீர்கள். நட்பு வட்டம் விரியும். செலவுகளை குறைக்க திட்டமிடுவீர்கள். புண்ணிய ஸ்தலங்கள் சென்று வருவீர்கள். உத்தியோகத்தில் சக ஊழியர்களால் இருந்த பிரச்னைகள் விலகும். அக்கம்பக்கம் வீட்டாரின் அன்புத் தொல்லை குறையும்.
மிதுனம்:
எதிர்பார்ப்புகள் பூர்த்தியாகும் நாள். முக்கிய பிரமுகர்களை சந்திப்பீர்கள். புது வேலை கிடைக்கும். நீண்ட நாட்களாக தள்ளிப் போன காரியங்கள் முடியும். பழைய கடனைப் பற்றி அவ்வப்போது யோசிப்பீர்கள். உத்தியோகத்தில் எதிர்பார்த்த சலுகைகள் கிடைக்கும். தாய்வழி உறவினர்களால் வீண் செலவுகள் ஏற்படும்.
கடகம்:
தைரியம் கூடும் நாள். குடும்பத்தினருடன் கலந்தாலோசித்து பழைய பிரச்னைகளுக்கு முக்கிய தீர்வு காண்பீர்கள். சொந்த-பந்தங்கள் தேடி வருவார்கள். வியாபாரத்தில் போட்டிகளை எதிர்கொண்டு வெற்றி காண்பீர்கள். உத்தியோகத்தில் உங்கள் கருத்துக்கு ஆதரவு பெருகும்..
சிம்மம்:
தடைகள் உடைபடும் நாள். குடும்பத்தாரின் ஒத்துழைப்பு அதிகரிக்கும். கைமாற்றாக வாங்கியிருந்த பணத்தை திருப்பித் தருவீர்கள். தோற்றப்பொலிவு கூடும். விலை உயர்ந்த பொருட்கள் வாங்குவீர்கள். அலுவலகத்தில் மரியாதை கூடும். புது நட்பு மலரும். பழைய சிக்கலில் ஒன்று தீரும்.
கன்னி:
இடம், பொருள், ஏவல் அறிந்து செயல்பட வேண்டிய நாள். ராசிக்குள் சந்திரன் இருப்பதால் ஒருவித படபடப்பு வந்து செல்லும். குடும்பத்தில் சின்ன சின்ன பிரச்சினைகள் அதிகமாகும். நீங்கள் எதைப் பேசினாலும் அதை எல்லோரும் தவறாக புரிந்து கொள்வார்கள். யாரையும் பகைத்து கொள்ளாதீர்கள். உத்தியோகத்தில் அலுவலக ரகசியங்களை வெளியிட வேண்டாம். தலைச்சுற்றல் முழங்கால் வலி வந்து நீங்கும்.
துலாம்:
தடைகளை தாண்டி முன்னேறும் நாள். சகோதர வகையில் மனத்தாங்கல் வந்து நீங்கும். கணவன்-மனைவிக்குள் வீண் விவாதம் வந்து செல்லும். யாருக்கும் சாட்சி கையெழுத்திட வேண்டாம். ஆடம்பரச் செலவுகளால் சேமிப்புகள் கரையும். வெளி உணவுகளை தவிர்ப்பது நல்லது.
விருச்சிகம்:
இனிமையான நாள். உத்தியோகத்தில் உங்களின் நிர்வாகத் திறமை வெளிப்படும். குடும்பத்தாரின் எண்ணங்களை கேட்டறிந்து பூர்த்தி செய்வீர்கள். மற்றவர்களுக்காக சில செலவுகளை செய்து பெருமைப்படுவீர்கள். வீட்டை அழகுபடுத்துவீர்கள். விருந்தினர் வருகை அதிகரிக்கும்.
தனுசு:
முயற்சி வெற்றியடையும் நாள். தவறு செய்பவர்களை தட்டி கேட்பீர்கள். உங்களிடம் பழகும் நண்பர்கள், உறவினர்களின் பலம் பலவீனத்தை உணர்வீர்கள். பழைய கடன் பிரச்சினைகள் கட்டுப்பாட்டிற்குள் வரும். உத்தியோகத்தில் உயரதிகாரி உங்களை முழுமையாக நம்புவார். வீடு, வாகனத்தை சீர் செய்வீர்கள்.
மகரம்:
மகிழ்ச்சியான நாள். வராது என்றிருந்த பணம் கைக்கு வரும். கணவன் – மனைவிக்குள் நெருக்கம் உண்டாகும். புதிய நட்பால் ஆதாயமடைவீர்கள். வெளிவட்டாரத்தில் புது அனுபவம் உண்டாகும். தெய்வீக ஈடுபாடு அதிகரிக்கும். உத்தியோகத்தில் உங்கள் உழைப்பிற்கு ஏற்ப அங்கீகாரம் கிடைக்கும்.
கும்பம்:
நேர்மறை எண்ணங்கள் தேவைப்படும் நாள். சந்திராஷ்டமம் இருப்பதால் திடீர் திடீரென்று எதையோ இழந்ததைப் போல் இருப்பீர்கள். மற்றவர்களை முழுமையாக நம்பிக் கொண்டிருக்க வேண்டாம். வியாபாரத்தில் வேலையாட்களிடம் அனுசரித்து போவது நல்லது.
மீனம்:
தன்னம்பிக்கை துளிர்விடும் நாள். உத்தியோகத்தில் சக ஊழியர்கள் உதவுவார்கள். உற்சாகமாக எதையும் முன்னின்று செய்வீர்கள். சகோதரவகையில் ஒற்றுமை பிறக்கும். விலை உயர்ந்த மின்னணு மின்சார பொருட்கள் வாங்குவீர்கள். வெளியூர் பயணங்களால் மகிழ்ச்சி தங்கும். தாய் வழியில் ஆதரவுப் பெருகும்.
மேலும் பல சோதிட தகவல்கள்…
- உங்க கைரேகையில இந்த மாதிரி அறிகுறி இருக்கா அப்ப அதுக்கு இதுதான் அர்த்தம் தெரியுமா
- பல்லி ஒலி எழுப்புவதை வைத்து நல்லவை கெட்டவைகளை கணிக்க…!
- பூஜைகளின் போது கற்பூரம் ஏற்றப்படுவதற்கான காரணம் என்ன…?
- வீட்டு வாசலில் எதற்காக மாவிலை தோரணம் கட்டப்படுகின்றது
- இராகு கால துர்கா பூஜையை வீட்டில் எப்படி செய்வது ??
- காரியத் தடைகள் நீக்கும் கடவுள் வழிபாடு……
- செவ்வாய் தோஷ பரிகாரங்கள் …..
- உள்ளங்கையில் காதல் ரேகைகள் ஒரே அளவில் இப்படி இருக்குதா ? அப்படியானால் முதலில்…… இதைப் படியுங்கள்
- வருமானத்தை அள்ளித்தரும் செவ்வாய்கிழமை
எமது ஏனைய தளங்கள்