நேற்று வெள்ளிக்கிழமை காலை 5 மணிக்கு பா-து-கலேயின் Audinghen பகுதி கடலில் இருந்து பிரித்தானியா நோக்கி பயணிக்க முற்பட்ட ஆறு அகதிகள் பிராந்திய எல்லைக்கடலில் தத்தளித்த போது மீட்கப்பட்டுள்ளனர். France refugees rescued_by SNSM
சிறிய ரக துடுப்பு படகு ஒன்றில் குறித்த ஆறு அகதிகளும் கடலில் தத்தளித்தனர். அவர்களை National Society of Sea Rescue (SNSM) மீட்புப்படையினர் மீட்டனர். இவர்கள் 26 வயதில் இருந்து 51 வயதுவரையான இரானிய குடியுரிமை கொண்ட அகதிகள் என தெரிவிக்கப்பட்டுள்ளது.
அதன் பின்னர் 7.15 மணி அளவில் சுவாசப்பிரச்சனை காரணமாக ஆறு அகதிகளும் மருத்துவமனையில் அனுமதிக்கப்பட்டனர். இது தொடர்பான விசாரணைகளை Boulogne-sur-Mer பகுதி காவல்துறையினர் முன்னெடுத்துள்ளனர். இதுபோல் படகில் செல்ல முற்பட்டதாக கடந்த 2016 ஆம் ஆண்டில் 36 முயற்சிகளும், 2017 இல் 13 முயற்சிகளும், 2018 இதுவரை 10 முயற்சிகளும் முன்னெடுக்கப்பட்டுள்ளதாக தெரிவிக்கப்பட்டுள்ளது.