Health Tips

நீரிழிவு கால் புண் – தடுக்கும் முறைகள்!

Vicky

09/07/2018

1072

{Diabetic Foot Sore Preventing Methods}

நீரிழிவு நோயாளிகளுக்கு கால் புண் ஏற்படுவதற்கான காரணிகள் எவை?

கால் நரம்புகளின் செயற்பாடு குறைவடைந்து தொடுகை மற்றும் நோவு போன்ற உணர்ச்சிகளற்றுக் காலில் விறைப்புத்தன்மை ஏற்படல்.
கால்களுக்கான குருதி ஓட்டம் நலிவடைதல்.
நீரிழிவு கட்டுப்பாடு குறைவடைதலும் குருதியில் சீனியின் அளவு அதிகரித்தலும்.
கிருமித் தொற்றுக்கள் ஏற்படல்.
பாதம் மற்றும் உள்ளங்கால் பகுதிகளில் ஏற்படும் தோல் தடிப்புத் தன்மை, தொப்புளங்கள் மற்றும் கண்டல் காயங்கள்.
கால் விரல்களுக்கிடையில் ஏற்படும் கிருமித் தாக்கம்.
கால் விரல் நகக்கணுக்களில் ஏற்படும் கிருமித்தாக்கம்.
பாதம் மற்றும் கீழ்க் கால்களில் ஏற்படும் வெட்டுக் காயங்களும் கீறல் காயங்களும்.
பிராணிகள், பூச்சிகளால் காலில் ஏற்படும் கடி மற் றும் குத்துக் காயங்கள்.

நீரிழிவு கால் புண்ணின் அபாயம் எத்தகையது?

மேற்குறிப்பிட்ட காரணிகளால் பாதிக்கப்பட்ட காலின் பகுதியில் கிருமித்தாக்கம் ஏற்படுவதால் பாதம் சிவந்து வீக்கமடைந்து உஷ்ணமாக இருத்தல்.
குறிப்பிட்டகாலின் பகுதி கறுப்பு நிறமாகி சீழ்படிதல்.
பாதம் மற்றும் கால்களில் துர்நாற்றம் வீசுவதுடன் புண்கள் உருவாதல்.
பாதத்தின் என்புகள் கிருமித் தொற்றுக்குள்ளாகுதலும் விரல் மற்றும் பாதம் அழுகிப்போதலும்.
நீரிழிவு கால் புண் உங்களை அங்கவீனர்களாக்கலாம்பாதிக்கப்பட்ட கால்விரல்கள் வெட்டி அகற்றப்பட வேண்டி வரலாம்.
முன்பாதங்கள் வெட்டியகற்றப்பட வேண்டி வரலாம்.
முழங்காலுக்குக் கீழாகக் கால் வெட்டியகற்றப்படலாம்.
முழங்காலுக்கு மேலாகக் கால் வெட்டியகற்றப்பட வேண்டி வரலாம்.

நீரிழிவு கால் புண் காரணமாக ஏற்படும் அங்கவீனங்களைத் தடுக்கும் முறைகள் எவையெவை?

கால் மற்றும் பாதங்களைத் தினமும் கழுவிச் சுத்தமாக வைத்திருத்தல்.
தினமும் கால்விரல்களுக்கு இடையில் ஈரலிப்பின்றிப் பேணுதல்.
தினமும் கால்விரல்கள், விரல் ஈறுகள், பாதம் மற்றும் கால்களின் கால்புண் ஏற்படக்கூடிய காரணிகள் பற்றி அவதானித்தல். இதற்குக் குடும்ப உறுப் பினர்கள் உதவுதல் அவசியம்.
தொழில் செய்யும் இடங்களிலும் வீதியிலும் நடக்கும்போது பாதணிகள் அணிதல்.
இறுக்கமான மற்றும் மிகவும் தொய்ந்து பழுதான காலணிகளைத் தவிர்த்தல்.
கால்விரல் நகங்கள் மட்டமாக வெட்டப்படுதல்.
பாதத்தில் ஏற்படும் தோல் தடிப்புகள் மருத்துவரால் சிகிச்சை அளிக்கப்பட்டு நீக்கப்பட வேண்டும். இவற்றை நோயாளி வெட்டியகற்ற முற்படக் கூடாது.
பாதம் மற்றும் காலில் ஏற்படும் காயங்களுக்கு (சிறிய காயங்கள் உட்பட) உடனடியாக மருத்துவ ஆலோசனை பெறுதல் தாமதப்படுத்தலும் நாட்டு வைத்தியம் செய்தலும் கண்டிப்பாகத் தவிர்க்கப் பட வேண்டும்.
நீரிழிவுக்குப் பாவிக்கும் மருந்துகளைத் தவறாது உபயோகித்து குருதியில் சீனியின் அளவைப் பேணுதல்.
புகைப்பிடித்தலைத் தவிர்த்தல்.

மருத்துவர்.எஸ்.ராஜேந்திரா
அறுவைச் சிகிச்சை நிபுணர்,