துப்பாக்கிச் சூட்டில் உயிரிழந்தோர் வீடுகளுக்கு நள்ளிரவில் சென்ற விஜய்..!

06/06/2018

754

கடந்த மே 22 ஆம் திகதி தூத்துக்குடியில் ஸ்டெர்லைட் ஆலையை மூடக்கோரி மக்கள் மாவட்ட ஆட்சியர் அலுவலகத்தை முற்றுகையிடும் போராட்டம் நடத்தினர்.(Actor Vijay Visited Thoothukudi Gun shoot area)

இதில் கலவரம் வெடித்ததைத் தொடர்ந்து போலீசார் துப்பாக்கிச் சூடு நடத்தியதில் 13 பேர் உயிரிழந்ததுடன், 100-க்கும் மேற்பட்டோர் காயமடைந்தனர்.

மேலும், காயடைந்தவர்களையும், துப்பாக்கிச் சூட்டில் பலியானவர்களையும் தலைவர்களும், நடிகர்களும் சந்தித்து ஆறுதல் கூறி நிவாரணம் வழங்கி வருகின்றனர்.

இந்நிலையில், நடிகர் விஜய் துப்பாக்கிச் சூட்டில் உயிரிழந்தோர் வீடுகளுக்கு நள்ளிரவில் நேரில் சென்று ஆறுதல் கூறியுள்ளார்.

அத்துடன், தூத்துக்குடியில் ஸ்லோனின் ஜான்சி உள்ளிட்ட உயிரிழந்தவர்களின் வீட்டிற்கு நேரில் சென்ற விஜய் ஆறுதல் தெரிவித்து மட்டுமல்லாமல் தலா ஒரு லட்சம் ரூபாய் நிதி உதவியும் வழங்கியுள்ளார்.

மேலும், இதனிடையே பாதிக்கப்பட்டவர்களில் ஒருவர் கூறும்போது.. மகளை நினைத்து வேதனை பட்டு கொண்டு வெளியே உட்காந்திருந்தோம்” அந்த நேரத்தில் 2 பைக் வந்தது. யாரென்று தெரியவில்லை என்று எட்டிப்பார்த்த போது உடனே கையெடுத்து கும்பிட்டபடி விஜய் வீட்டுக்குள் வந்தார். எங்களுடன் அமர்ந்து எங்கள் அனுதாபத்திலும் சோகத்திலும் பங்கெடுத்துக்கொண்டார். மேலும், இரவு நேரத்தில் வந்ததற்காக மன்னிப்பும் கேட்டுக்கொண்டார். மேலும் புகைப்படம் எடுக்க வேண்டாம் என கூறி மிக எளிமையாக நடந்துகொண்டார். என பாதிக்கப்பட்ட பெண்ணின் தாயார் கூறியுள்ளார்.